უკრაინაში გამართულ საერთაშორისო სამედიცინო ტურიზმის გამოფენაში საჩხერის სამედიცინო ცენტრი მონაწილეობს

2017-04-26 13:04:09, 1587 ნახვა

საზოგადოება

საჩხერის სამედიცინო ცენტრი 25-27 აპრილს უკრაინაში საერთაშორისო სამედიცინო ფორუმში იღებს მონაწილეობას.

საჩხერის სამედიცინო ცენტრის ექიმები მონაწილეობას მიიღებენ სამედიცინო ტურიზმთან დაკავშირებულ ფორუმში, სადაც საქართველოსთან ერთად მონაწილეობენ ავსტრია, ბელარუსი, კორეა, ლატვია, ლიტვა, მალაიზია, გერმანია, პოლონეთი, სლოვაკეთი, ამერიკა, თურქეთი, უკრაინა, ფინეთი, ჩეხეთი.

ფორუმის მიზანია სამედიცინო ტურიზმის სფეროში საზოგადოების მეტად ინფორმირებულობა.

ფორუმში მონაწილეობას იღებენ სამედიცინო ცენტრები, სარეაბილიტაციო და ფსიქოლოგიური ცენტრები, კერძო კლინიკები, საავადმყოფოები, სანატორიუმები და სპა ცენტრები.

ასევე, ფორუმში მონაწილეობენ კომპანიები, რომლებიც მონაწილეობას იღებენ საერთაშორისო პროგრამებში, სადაზღვევო კომპანიები, ტურისტული კომპანიები, საერთაშორისო ავიახაზები.

ფორუმის სამიზნე აუდიტორიაა: სამთავრობო ორგანიზაციები, ჯანდაცვის მომსახურების ცენტრები, ექიმები, სამედიცინო ტურიზმის სპეციალისტები, ტურისტული კომპანიები, კომპანიები, რომლებიც სამედიცინო ტურიზმის სფეროში მოღვაწეობენ, სპეციალური სტუმრები, მყიდველები.

(NS)

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან