თბილისის  საკრებულოსთან დედაქალაქის მერის წინააღმდეგ  ერთდროულად რამდენიმე აქცია გაიმართა.  ადგილზე მისულები იყვნენ სხვადასხვა არასამთავრობო ორგანიზაციების წარმომადგენლები, ასევე პარტიზანი მებაღეები, რომლებმაც დავით ნარმანიას გადადგომა მოითხოვეს.

როგორც "ექსპრესნიუსის" კორესპონდენტი ადგილიდან იუწყება, საკრებულოსთან ამ დროისთვის მხოლოდ იმ აქციის მონაწილეები  რჩებიან, რომლებმაც ცხოველების მოვლა-პატრონობის შესახებ საკრებულოს მიერ მიღებული დადგენილება გააპროტესტეს. ამასთან, აქტივისტები  ამბობენ, რომ ცხოველთა მონიტორინგის სააგენტოს საქმიანობა კორუფციის ნიშნებს შეიცავს.

ცხოველების მოყვარული მოქალაქეები  საკრებულოსთან ძაღლებით არიან მისულები.

"მიიღონ ისეთი კანონი,  რომელიც ცხოველთა უფლებებს  დაიცავს, როგორც მიუსაფარი ცხოველების, ასევე  მათი მოყვარულების უფლებებს და არ მოხდება მათი დისკრედიტაცია. ამოიღონ ის პუნქტები, რომლებიც  იძლევა ორაზროვანი გადაწყვეტილების საშუალებას, დააკონკრეტონ. დადგენილება ითვალისწინებს, რომ არ  აქვს მნიშვნელობა კონკრეტული ცხოველი ჯანმრთელია თუ არა,  აგრესიულია თუ არა, უნდა მოხდეს მათი ყველას დაძინება, და ჩვენი პროტესტის მიუხედავად,  ეს დადგენილება მაინც მიიღეს",-აღნიშნა აქციის ერთ-ერთმა მონაწილემ.

ცნობისთვის, ამწუთებში თბილისის საკრებულოში დედაქალაქის მერს, დავით ნარმანიას უსმენენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით