საკონსტიტუციო კომისიის ფარგლებში მიღწეული შეთანმხება, შრომის  ზედამხედველობის   ორგანოს   შექმნის თაობაზე, საკონსტიტუციო ცვლილებების პროექტიდან ამოღებულია.

ამის შესახებ ჟურნალისტებს   კონსტიტუციური სამართლის ექსპერტმა ვახუშტი მენაბდემ განუცხადა.

„მეორე რაუნდისთვის შემოთავაზებული იყო ძალიან მოკრძალებული ვარიანტი, შრომის უფლების დამდგენი ნორმის, სადაც ყველაზე მნიშვნელოვანი ჩანაწერი იყო ის, რომ სახელმწიფო იღებდა ვალდებულებას,  შეექმნა შრომის ზედამხედველობის ორგანო, რაზეც პრინციპში კონსესუსი შედგა, კომისიის წევრებმა დააფიქსირეს საკუთარი პოზიტიური განწყობა, თუმცა მესამე მოსმენის რეჟიმში შემოთავაზებულ პროექტში ეს ნაწილი ამოღებული იყო, რაც აიხსნა მთავრობის ეკონომიკური გუნდის წინააღმდეგობით.

ეს პრობლემური საკითხია, ჩვენ გვაქვს ძალიან შემაშფოთებელი სტატისტიკა, 5 წლის განმავლობაში 2 ასეულზე მეტი დაღუპული გვყავს სწორედ იმიტომ, რომ არ არსებობს ეფექტური ზედამხედველობის ორგანო, შრომით ურთიერთობებზე და შრომის პირობებზე.

ამ პრობლემიდან გამომდინარე, ჩვენს მიერ შემოთავაზებული იყო პრობლემის გადაჭრის გზები,

სახელმწიფოს ვალდებულების, შეექმნა ეს ორგანო,  კონსტიტუციური გარანტირება იქნებოდა ამ შემთხვევაში მიღწეული ჩვენს მიერ, მაგრამ სამწუხაროდ ხელისუფლებამ უარყო ეს ინიციატივა, უფრო მეტიც დღეს ჩვენ გვექნება ვითარება, რომ შრომითი უფლებების სტანდარტი შემცირდება”,-აღნიშნა ვახუშტი მენაბდემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა