თბილისის მერის დავით ნარმანიას განცხადებით, მას ჰქონდა მოლოდინი, რომ ოპოზიცია შოუს დადგმას აპირებდა და სწორედ ამიტომ არ მისცა მათ დედაქალაქის მთავრობის სხდომაზე დასწრების საშუალება.

ამის შესახებ ნარმანიამ საკრებულოს სხდომაზე ოპოზიციონერი დეპუტატის კითხვაზე საპასუხოდ განაცხადა.

სევდია უგრეხელიძემ მერს კანონი შეახსენა, რომლის მიხედვითაც  დედაქალაქის  მთავრობის სხდომაზე დასწრების უფლება მათ ჰქონდათ.

„სწავლა არ გვჭირდება, ყველამ კარგად ვიცით ევროპული ნორმები, წესები, რეგულაციები,  ჩვენ ვიცავთ კანონს, მაგრამ გასათვალისწინებელია ის, რომ  ზოგჯერ ქმედება მოდის კანონთან წინააღმდეგობაში. თუ არა შოუს დადგმა,  მაინცდამაინც კამერებით რატომ გინდათ მთავრობის სხდომაზე დასწრება, ჩემთვის ეს იყო მოლოდინი შოუს დადგმისა და მე მივიღე შესაბამისი გადაწყვეტილება“,-განაცხადა დავით ნარმანიამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა