საქართველოს პრეზიდენტი გიორგი მარგველაშვილი მზადაა, უზენაესი სასამართლოს თავმჯდომარეობის კანდიდატი კონსულტაციების გზით შეირჩეს.

როგორც მარგველაშვილმა ჟურნალისტებს განუცხადა, კონსულტაციების  თვალსაზრისით, პრეზიდენტის ინსტიტუტი, როგორც სამოქალაქო საზოგადოების, ასევე საპარლამენტო უმრავლესობისა და ოპოზიციის წარმომადგენლებისთვის ღიაა.

პრეზიდენტი ყველა დაინტერესებულ მხარეს მოუწოდებს, უზენაესი სასამართლოს თავმჯდომარის კანდიდატურასთან დაკავშირებით კონსულტაციებში ჩაერთონ, საკუთარი პოზიცია დააფიქსირონ, რაც მას  უზენაესი სასამართლოს თავმჯდომარის საუკეთესო კანდიდატის დასახელებაში დაეხმარება.

„არც კონსტიტუციით, არც მოქმედი კანონმდებლობით, პრეზიდენტს კონსულტაციების განხორციელების ვალდებულება არ გააჩნია. ამ კანდიდატურების დასახელება, მისი პირდაპირი პრეროგატივაა, თუმცა ჩვენ ნათლად ვაჩვენებთ, რომ ყველა ასეთ შემთხვევაში ვართ ღია კონსულტაციებისთვის. ვფიქრობ, მნიშვნელოვანი ტრადიციაა, რომ პრეზიდენტის ინსტიტუტი ღიაა როგორც სამოქალაქო საზოგადოების, ასევე საპარლამენტო უმრავლესობისა და ოპოზიციის წარმომადგენლებისთვის. უკვე იწყება კონსულტაციები. მოვუწოდებ ყველა დაინტერესებულ მხარეს, როგორც სამოქალაქო სექტორში, ასევე პარლამენტში, ჩაერთონ ამ კონსულტაციებში და თავისი პოზიცია გაგვიზიარონ. ეს ჩვენ დაგვეხმარება იმ მიზნის განხორციელებაში, რომ დავასახელოთ საკუეთესო კანდიდატი. მე დაინტერესებული ვარ, როგორც უმრავლესობის, ასევე ოპოზიციის და ექსპერტების შეხედულებით. ბუნებრივია გადაწყვეტილების სირთულე პრეზიდენტს, პრეზიდენტის ადმინისტრაციასა და ინსტიტუტს დააწვება, მაგრამ კონსულტაციები ჩემთვის მნიშვნელოვანია“, - განაცხადა გიორგი მარგველაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი: ვინმეს სერიოზულად სჯერა, რომ ეს „არჩევნები“ სამართლიანი იყო?

კრაკოვში თავდამსხმელი საავადმყოფოში გარდაიცვალა

საქართველოს ბანკის მხარდაჭერით წინანდლის მამულში რიგით მეოთხე ღვინის სიმპოზიუმი გაიმართა

არ გაჩერების კულტურა კალათბურთში - საქართველოს ბანკი კალათბურთის ეროვნული ნაკრების გენერალური სპონსორია