„ერთიანი ნაციონალური მოძრაობის“ წევრის სალომე სამადაშვილის შეფასებით, პრეზიდენტს ქვეყანაში არსებულ პრობლემებზე მეტი უნდა ესაუბრა.

როგორც სამადაშვილმა დებატების ფორმატში სიტყვით გამოსვლისას განაცხადა,  სახელმწიფოს მეთაურის მხრიდან, ანექსიის პრობლემაზეც ასევე  მეტი უნდა მოესმინათ:

 „რეალურად ქართული სახელმწიფო და ახალგაზრდა დემოკრატია, რომელიც ამ ქვეყანაში  შევქმენით, დგას ყოფნა-არ ყოფნის საფრთხის წინაშე და ვფიქრობ, პრეზიდენტს ამ პრობლემაზე აქ ბევრად მეტი უნდა ესაუბრა. საქართველო ძალიან სწრაფად ემსგავსება პოსტსაბჭოთა სივრცეში კიდევ ერთი გაუგებარი პოლიტიკური სისტემის, ოლიგარქიული მმართველობის რეჟიმის მქონე ქვეყანას. ნეპოტიზმი და კორუფცია დაბრუნდა ჩვენს ცხოვრებაში. ჩემთვის ცოტათი უცნაური იყო, რომ მეტი არ მოვისმინეთ დღეს აქ ანექსიის პროცესზე, რომელიც მიმდინარეობს აფხაზეთსა და ოსეთში. რეალურად, რუსეთი აძლიერებს საკუთარ თავდასხმით შესაძლებლობებს  ჩვენს ოკუპირებულ ტერიტორიებში. ვფიქრობ, დღეს თქვენ კონსტიტუციით თქვენთვის მინიჭებული უფლება უნდა გამოიყენოთ იმისათვის, რომ შეძლოთ ქვეყანაში დემოკრატიული ინსტიტუტების დაცვა  და განვითარება“,-განაცხადა სალომე სამადაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა აღიარა, რომ მომავალში საფრანგეთის პრეზიდენტად დაბრუნებას გეგმავს

უკრაინამ დონბასში რუსული არმიის წინააღმდეგ საბრძოლო რობოტები პირველად გამოიყენა

კობახიძე – მაინც ყოველდღიურად იკრიბებიან ხან 20, ხან 50, ხან 150 კაცით, სექტის სახე ნამდვილად შეიძინა ამ დაჯგუფებამ

ივანიშვილის პაპუაშვილი ოპოზიციურად განწყობილ ხალხს სექტას უწოდებს