ტელეკომპანია „რუსთავი 2“-ის გენერალური დირექტორის ნიკა გვარამიას განცხადებით, ტელეკომპანიის გუნდმა „რუსთავი 2“-ის წილის 91%-ის მფლობელების ლევან და გია ყარამანიშვილების ბოლო შეთავაზებასთან დაკავშირებით, გადაწყვეტყილება მიიღო.

როგორც გვარამიამ აღნიშნა, ძმები ყარამანიშვილების შემოთავაზება რევოლუციურია. 

„ყარამანიშვილების შემოთავაზება არის ნამდვილად ძალიან მნიშვნელოვანი და რევოლუციური. ეს არის პრაქტიკულად არხის თანამშრომლებისთვის საკონტროლო პაკეტის გადაცემა, რაც უნდა გვესმოდეს, რომ 51% „რუსთავი2-ში“ არის შპს „საქართველოს“ ხელში და შპს „საქართველოს“ 51% საკონტროლო პაკეტი იქნება უკვე „რუსთავი2“-ის საკონტროლო პაკეტის. ანუ, მარტივად რომ ვთქვათ, ეს არის კოლექტივის ხელში გადაცემა იმ უფლების, რომ ის იყოს ძირითადი აქტორი არხის ბედის წარმართვაში”, - განაცხადა ნიკა გვარამიამ.

ტელეკომპანიის გენერალური დირექტორის ინფორმაციით, ორშაბათიდან შპს „რუსთავი 2-ის გუნდი“ დაფუძნდება.

„ორშაბათს დავაფუძნებთ შპს-ს, რომლის სახელიც „რუსთავი 2-ის გუნდი“ იქნება და ეს შპს იქნება ამ 51% წილის მფლობელი“, - აღნიშნა გვარამიამ.

ამასთან, მისივე თქმით, „რუსთავი2“-ის გუნდი 19:00 საათზე შეიკრიბება და გადაწყდება, ახალ შპს-ს რამდენი ადამიანი დააფუძნებს და წილის მფლობელი და მართვაზე პასუხისმგებელი ვინ იქნება. 

ცნობისთვის, სამაუწყებლო კომპანია „რუსთავი 2“-ის წილის 91 % -ის მფლობელები ლევან და გია ყარამანიშვილებმა ტელეკომპანიის თანამშრომელთა შეთავაზებაზე საპასუხო განცხადება გუშინ გაავრცელეს და მზადყოფნა გამოთქვეს, „რუსთავი 2“-ის აქციათა საკონტროლო პაკეტის, 51 %-ის მფლობელი შპს ტელეკომპანია „საქართველოს“ აქციების საკონტროლო პაკეტი, 51 %, „რუსთავი 2“-ის თანამშრომლებს გადასცენ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპმა თანაშემწეებს განუცხადა, რომ მზად იყო ირანთან ომი ბირთვული შეთანხმების გარეშე დაესრულებინა

პენტაგონმა მოითხოვა, რომ ამერიკულმა სამხედრო-სამრეწველო კომპლექსმა დააჩქაროს იარაღის წარმოება

აშშ-მ თურქეთს უკრაინისთვის 12 HIMARS-ის 2500 ჭურვით და 70 ATACMS-ის კასეტური საბრძოლო მასალის მიყიდვის ნებართვა მისცა

გიგაზე თავდასხმამდე კონსულტაცია გაიარა... - რა დეტალებს ასაჯაროებს მოკლული მასწავლებლის დედა