ბაქრაძე: „ქართული ოცნება“ რჩება მარტო, უკანონობის დაკანონებაში

2017-03-22 17:33:45, 2243 ნახვა

პოლიტიკა კომენტარი

„ქართული ოცნება“ რჩება მარტო უკანონობის დაკანონებაში და ძალიან დიდი სამომავლო პასუხისმგებლობის აღებაში, რასაც ეს მახინჯი მოსმენების სისტემა მოიტანს მომავალში, - ამის შესახებ „ევროპული საქართველოს“ ერთ-ერთმა ლიდერმა დავით ბაქრაძემ პარლამენტის პლენარულ სხდომაზე განაცხადა.

,,დღეს, „ქართული ოცნება“ იღებს კანონს, რომელსაც ეწინააღმდეგება სრულიად ოპოზიციური სპექტრი და ყველა პოლიტიკური პარტია, პრეზიდენტი, არასამთავრობო სექტორი, საკონსტიტუციო სასამართლო. ანუ „ქართული ოცნება“ რჩება მარტო უკანონობის დაკანონებაში და ძალიან დიდი სამომავლო პასუხისმგებლობის აღებაში, რასაც ეს მახინჯი მოსმენების სისტემა მოიტანს მომავალში. ამიტომ დღევანდელი საპარლამენტო დებატის მთავარი თემაც და ვეტოს მთავარი თემაც ის არის, რომ კიდევ ერთხელ გამოჩნდეს თუ რამდენად მარტო დარჩა ქართული ოცნება და რამდენად ქართული საზოგადოების წინააღმდეგ მიდის დღეს ხელისუფლება."

ცნობისთვის, პარლამენტში ე.წ. მოსმენებთან დაკავშირებულ კანონზე პრეზიდენტის ვეტოს განიხილავენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან