„ქალბატონ ელენე ხოშტარიას ვუსმენდი და მეგონა, რომ  ქალბატონი ელენე თავის თავს  და თავის გუნდა ელაპარაკებოდა, როდესაც ნარკოტიკების ჩადებაზე  საუბრობდა“, - ასე გამოეხმაურა ადამიანის უფლებათა დაცვის კომიტეტის თავმჯდომარე  სოფიო კილაძე „მოძრაობა თავისუფლებისთვის-ევროპული საქართველოს“ წევრის ელენე ხოშტარიას განცხადებას, რომლის თანახმადაც  უმრავლესობა ნარკოტიკების ე.წ. ჩადებაზე თვალს ხუჭავს.

„მე ძალიან კარგად მახსოვს და ჩემთან როგორც ადამიანის უფლებების დაცვის კომიტეტის  თავმჯდომარესთან უამრავი ადამიანი მოდის რეპრესირებული  თქვენ დროს, თქვენი პოლიციის მიერ  და მოდიან  და ჩივიან სწორედ იმაზე, რომ წლები ადამიანებმა გაატარეს  სწორედ ამ ნარკოტიკების ჩადების  გამო საპატიმროში და იმ გაუსაძლის საპატიმროებში, რომლებიც იყო თქვენს დროს. თქვენგან განსხვავებით თუ ვინმე რამეს დააშავებს, ჩვენი გუნდი მთლიანად, ჩვენი პრემიერის ხელძღვანელობით და მეც  რა თქმა უნდა როგორც  ამ გუნდის შემადგენელი ნაწილი  ვართ პასუხისმგებელი იმაზე, რომ დაისაჯოს ყველა ადამიანი და  არაერთი გინახავთ, არ აქვს მნიშვნელობა თანამდებობის პირს თუ  ვინმე რამეს დააშავებს აუცილებლად  მიეცემა პასუხისგებაში.  ეს არის სამართლებრივი სახელმწიფო და ამას ვაკეთებთ ჩვენ თქვენგან განსხვავებით. თქვენ ნამდვილად არ უნდა საუბრობდეთ, მართლა უტიფრად ნარკოტიკების ჩადებაზე“,-მიმართა კილაძემ ელენე ხოშტარიას.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: მზად ვართ ყველა საკითხი განვიხილოთ, თუ რაიმე ჭარბი რეგულაციაა, ჭარბი ჯარიმა

სანქტ-პეტერბურგში მობილური ინტერნეტი გაითიშა

POG: ქუთაისში განზრახ მკვლელობისა და დანაშაულის შეუტყობინებლობისთვის ბრალი 2 პირს წარედგინა

არაბთა გაერთიანებულ საამიროებში საჰაერო მიმოსვლაზე დაწესებული ყველა შეზღუდვა მოხსნეს