|
2017-03-16 18:52:19, 1921 ნახვა
პოლიტიკა
საქართველოს პრეზიდენტი ალბანეთის რესპუბლიკის პრეზიდენტს შეხვდა
საქართველოს პრეზიდენტმა გიორგი მარგველაშვილმა, ბაქოში სამუშაო ვიზიტის ფარგლებში, ალბანეთის რესპუბლიკის პრეზიდენტთან ბუიარ ნიშანთან ორმხრივი შეხვედრა გამართა. შეხვედრისას მხარეებმა საქართველო-ალბანეთის ორმხრივი ურთიერთობების განვითარების საკითხებსა და ორი ქვეყნის პოლიტიკური, ეკონომიკური და კულტურული თანამშრომლობის გაღრმავების პერსპექტივაზე ისაუბრეს. გიორგი მარგველაშვილმა მადლობა გადაუხადა პრეზიდენტ ნიშანს საქართველოს ტერიტორიული მთლიანობისა და სუვერენიტეტის, ასევე, საქართველოს ოკუპირებული ტერიტორიების არაღიარების პოლიტიკის მტკიცე მხარდაჭერისათვის. მხარეებმა საქართველოს ოკუპირებულ რეგიონებში შექმნილი ვითარება განიხილეს. საქართველოს პრეზიდენტმა აღნიშნა, რომ უსაფრთხოებისა და ადამიანის უფლებების მდგომარეობის თვალსაზრისით ოკუპირებულ ტერიტორიებზე არსებული ვითარება კიდევ უფრო გაუარესდა და ადგილზე უსაფრთხოების საერთაშორისო მექანიზმების შექმნის აუცილებლობას გაუსვა ხაზი. ალბანეთის მხარემ ქართულ დელეგაციას საქართველოს ევროატლანტიკური ინტეგრაციის პროცესში საკუთარი მხარდაჭერა კიდევ ერთხელ დაუდასტურა. ორი ქვეყნის პრეზიდენტებმა ორმხრივი ეკონომიკური ურთიერთობის გაღრმავების საკითხზეც ისაუბრეს და ყურადღება ალბანელი ბიზნესმენების მიერ საქართველოს პოტენციური საინვესტიციო შესაძლებლობების გამოყენებაზე გაამახვილეს. გიორგი მარგველაშვილმა ალბანეთის პრეზიდენტი საქართველოში მოიწვია.
თამარ კეკენაძე – არ გვაქვს მოლოდინი, რომ მოძალადე დეპუტატებს თავად „ოცნების“ მოძალადე სისტემა დასჯის
ივანიშვილის დეპუტატი ხამენეის დაკრძალვაზე ჩასვლაზე - რეგიონის ლიდერები ერთად დაესწრებიან ცერემონიალს და ამაში უცნაურს ვერაფერს ვხედავ
არასრულწლოვნების ტრეფიკინგის ბრალდებით სამი პირი დააკავეს- ბავშვებს მათხოვრობას აიძულებდნენ
2026 წლის I კვარტალში ევროკავშირი საქართველოს 2 060 მოქალაქეს დაატოვებინეს
|
რედაქტორის რჩევით
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს
ომი უკრაინაში
უკრაინამ Rheinmetall-ისგან 155 მმ-იანი საარტილერიო ჭურვები შეუკვეთა
რუსეთმა და უკრაინამ მშვიდობიანი მოქალაქეები გაცვალეს
ვიდეო/LIVE პატრიარქის ილია მეორის დაკრძალვა - პირდაპირი
პოლონელების ხოცვა, უკრაინელების ეთნიკური წმენდა - რატომ დაუპირისპირდა ვარშავა და კიევი ერთმანეთს - ისტორიული ფაქტები
მთავარი თემა
|


ავტორი: ირაკლი მანაგაძე , ექსპრესნიუსის რეპორტიორი 2009 წლიდან



epn.ge (@expressnews.ge)