სახალხო დამცველისთვის უცნობია მიზეზები, თუ რატომ გაახანგრძლივა იუსტიციის სამინისტრომ ადამიანის უფლებათა ევროპულ სასამართლოში წარსადგენი კანდიდატების განცხადებების მიღების ვადა.

როგორც ომბუდსმენმა ჟურნალისტებს განუცხადა, აღნიშნულთან დაკავშირებით, უფრო მეტი დასაბუთებაა საჭირო.

„მე ვარ შესარჩევი კომისიის წევრი და წინასწარ ამ პროცესებზე ვერაფერს ვიტყვი. დაველოდები ამ საკითხის განხილვას. იმედია, ძალიან მალე დასრულდება და შეირჩევა ის მოსამართლე, რომელიც სამწუხაროდ, უკვე დიდი ხანია უნდა ყოფილიყო მოსამართლე“, - განაცხადა უჩა ნანუაშვილმა.

შეგახსენებთ, სტრასბურგში საქართველოდან წარდგენილი მოსამართლეობის კანდიდატების სია ჩავარდა. საქართველოდან წარდგენილი მოსამართლეობის კანდიდატები იყვნენ: ევა გოცირიძე, ალექსანდრე ბარამიძე და გიორგი ბადაშვილი. მოსამართლეებს ევროსაბჭოს 1-მა წევრმა დაუჭირა მხარი, ხოლო 5 წინააღმდეგ წავიდა.

საქართველოს ხელისუფლებამ თავიდან უნდა ჩაატაროს კონკურსი და ახალი კანდიდატები გაგზავნოს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა