„პოლიციელებმა აბსოლუტურად პროფესიონალურად იმოქმედეს და მიტინგი ისე დაიშალა, რომ დაზარალებული მოქალაქეების მხრიდან არავინ არ არის“,-ამის შესახებ შინაგან საქმეთა მინისტრმა გიორგი მღებრიშვილმა საზოგადოებრივ მაუწყებელს განუცხადა. 

როგორც მინისტრმა აღნიშნა, გუშინ მოვლენები აბსოლუტურად კატასტროფულად განვითარდა. 

„არავინ ელოდა მოვლენების ასეთ განვითარებას. ჩემი პირველი მოადგილე ადგილზე იმყოფებოდა და აკონტროლებდა სიტუაციას, მაგრამ მიუხედავად ამისა, როდესაც უკვე განსაკუთრებული აგრესიით გამოირჩეოდნენ მანიფესტაციის მონაწილეები და მომიტინგეები, მე პრემიერისგან მივიღე დავალება, ჩავსულიყავი ბათუმში და ადგილზე მე თვითონ მეხელმძღვანელა იმ ღონისძიებისთვის, რაც შემდგომ ჩატარდა.მთელმა საქართველომ იხილა თუ რა ხდებოდა ბათუმში, მაგრამ მინდა გითხრათ, რომ ეს ხდებოდა მხოლოდ ერთ ქუჩაზე. ბათუმის სამხარეო პოლიციის, ასე ვთქვათ დეპარტამენტის მიმდებარე ტერიტორიაზე, სადაც განსაკუთრებულ აგრესიას იჩენდნენ მომიტინგეები”, - განაცხადა მღებრიშვილმა.

მისივე თქმით, პოლიციამ აბსოლუტურად მაქსიმალური თავშეკავება გამოიჩინა. 

„ბოლომდე ვეცადეთ, რომ განგვემუხტა სიტუაცია, მაგრამ როდესაც დავინახეთ რომ შეუძლებელი იყო ჩვენი მხრიდან  და როცა ზღვარს გადავიდნენ მომიტინგეები,  ჩვენ ისღა დაგვრჩენოდა, რომ გამოგვეყენებინა ცრემლსადენი გაზი, სამწუხაროდ, მაგრამ მინდა გითხართ, რომ პოლიციელებმა იმოქმედეს აბსოლუტურად პროფესიონალურად  და ეს მიტინგი ისე დაიშალა, რომ დაზარალებული მოქალაქეების მხრიდან არავინ არ არის შეიძლება ითქვას, მაგრამ პოლიციელების მხრიდან  რამდენიმე ადამიანი არის მძიმედ დაზიანებული“,-აღნიშნა მინისტრმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკიმ ტრამპს რუსეთის წინააღმდეგ „ჯოჯოხეთური სანქციების“ დაწესება მოსთხოვა

მაჭავარიანი – „ენჯეოებმა“ სააკაშვილისგან იგრძნეს ბულინგი, წნეხს ვერ გაუძლეს და შეიყვანეს სიაში

მიხეილ სააკაშვილი – „საერთაშორისო გამჭვირვალობამ“ მაღიარა პოლიტიკურ პატიმრად, დიდი მადლობა, სჯობს გვიან, ვიდრე არასდროს

გერმანიაში დაზიანებული სადენების გამო, დიდ ქალაქებს შორის რკინიგზის მოძრაობა შეფერხდა