საქართველოს ყოფილი პრეზიდენტი მიხეილ სააკაშვილი, "ნაციონალური მოძრაობის" ქალთა ორგანიზაციის ყრილობაზე სკაიპით ჩაერთო და დამსწრე საზოგადოებას სიტყვით მიმართა.

როგორც სააკაშვილმა აღნიშნა, პარტია წევრი ქალების ენთუზიაზმზე, მათ ინტელექტსა და თავდადებაზე დგას.

სააკაშვილმა ხაზი გაუსვა, რომ მისი მართველობის პირობებში ძალიან ბევრი რამ გაკეთდა იმისათვის, რომ საქართველოს საკანონმდებლო და აღმასრულებელ ხელისუფლებაში ქალები მაქსიმალურად ყოფილიყვნენ წარმოდგენილი.

„ამის გამო ძალიან დავზარალდი კიდეც. ხანს რას გვიგონებდნენ და ხან - რას. მე მახსოვს, 26 მაისს დამოუკიდებლობის დღესასწაულზე, ტრიბუნაზე ვდგავარ, იქ წარმოდგენილი იყო საქართველოს მთავრობა - რამდენიმე ქალბატონი, ძალიან ღირსეული, ძალიან წარმატებული, პარლამენტი - თავისი არცთუ ისე ბოლომდე წარმატებული თავმჯდომარით, როგორც მოგვიანებით გაირკვა. ბებიაჩემი მზიას ხმა მესმის უკნიდან - შეხედეთ, შეხედეთ, რამდენი ქალია პარლამენტსა და მთავრობაში წარმოდგენილი და აი, შეხედეთ, ელენე თევდორაძეს ეს არ არის ერთადერთი, ვისათანაც ღამის ქონას ჩემს შვილიშვილს არ აბრალებენო. სიმართლე არის ის, რომ მე მართლაც დიდ პატივს გცემთ, ძალიან მიყვარხართ და მაშინაც ეს საუბარი იმის გამოვლინება იყო, რომ უნდა ეთამაშა თუ არა ქალს დიდი როლი საზოგადოებაში”, - განაცხადა სააკაშვილმა.

მანვე დასძინა, რომ ქალის როლი არ უნდა იყოს ფასადური, არამედ მათ უნდა შეეძლოთ რეალური იქვნენ გადამწყვეტი როლის შემტანი საზოგადოებრივ ცხოვრებაში.

საქართველოს მესამე პრეზიდენტმა თინა ბოკუჩავას მადლობა გადაუხადა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უნგრეთის ყოფილ საგარეო მინისტრს შესაძლო მექრთამეობისთვის სამ წლამდე თავისუფლების აღკვეთა ემუქრება

შეერთებულმა შტატებმა სანქციები დააწესა საქართველოში დაფუძნებული კრიპტო კომპანია SHPS Shelbit-ის წინააღმდეგ

ფაშინიანმა და ტრამპმა ტელეფონით ისაუბრეს TRIPP პროექტის მიმდინარე მდგომარეობაზე.

რუბიო: აშშ-მ TRIPP-ისა და შუა დერეფნის განვითარებისთვის 201 მილიონი დოლარი გამოყო