ფონდ „სიცოცხლის ხის“ დაფინანსებით,  კავშირმა „მშობელთა ხიდი“  პარაორკესტრი შექმნა. 

კავშირმა 2014 წელს ფონდ „სიცოცხლის ხის“  მიერ გამართულ მეორე საგრანტო კონკურსში გაიმარჯვა და წარმატებით განახორციელა პროექტი, რომელიც მუსიკით დაინტერესებული შეზღუდული შესაძლებლობების მქონე ბავშვების მიერ პარაორკესტრის ჩამოყალიბებას გულისხმობს. 

პარაორკესტრის წევრები არიან სმენადაქვეითებული, უსინათლო, აუტისტური სპექტრის და  მობილობის შეზღუდვის მქონე ბავშვები და მოზარდები. აღნიშნული პროექტის შექმნა, ხელს უწყობს შშმ ბავშვების შემოქმედებითი პოტენციალის გამოვლენას, მათი შესაძლებლობების რეალიზებას და საზოგადოებაში ინტეგრაციას. მითუმეტეს რომ, მუსიკალური თერაპია ხელს უწყობს ბავშვების უნარ-ჩვევების განვითარებას. 

მოძრაობის თეატრში დღეს აღნიშნული პარაორკესტრის პირველი კონცერტი გაიმართა, რომელიც აუტიზმის ცნობადობის მსოფლიო  დღეს მიეძღვნა. გაეროს გენერალური ასამბლეის გადაწყვეტილებით, 2008 წლის 2 აპრილიდან მსოფლიოს მრავალი ქვეყანა აღნიშნავს აუტიზმის ცნობადობის მსოფლიო დღეს. 

ცნობისთვის, კავშირი „მშობელთა ხიდი“ შეიქმნა შშმ ბავშვების, მათთან მომუშავე პერსონალის-ფსიქოლოგების და მშობლების ინიციატივით 1999 წელს. კავშირის წევრების მიზანია განვითარდეს შშმ ბავშვების სასწავლო და სოციალური პირობები.  კავშირს ყავს 50 ბენეფიციარი, რომლებსაც სისტემატიურად უტარდებათ: მუსიკალური თერაპია, დრამთერაპია, არტთერაპია, ოკუპაციური თერაპია, ლოგორითმიკა და ფიზიკური თერაპია. ბენეფიციარებთან, მუშაობენ პროფესიონალები, როგორც ფსიქოლოგები ასევე სპეციალური პედაგოგები და მეთოდისტები. 

ფონდმა „სიცოცხლის ხე“ შეზღუდული შესაძლებლობის მქონე ბავშვების მხარდასაჭერად 2014 წელს ორი საგრანტო კონკურსი გამართა, რომელთა ფარგლებშიც დააფინანსა 26 პროექტი. ჯამში, 2014 წლის განმავლობაში 1 მილიონ 600 000 ლარამდე თანხა დახარჯა, განათლების, გარემოს დაცვის და შშმ ბავშვების მხარდასაჭერად. ფონდმა ასევე, ინდვიდუალური პირების 13 სხვა და სხვა პროექტი განახორციელა და 300 შშმ ადამიანს  ეტლი გადასცა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა

ტრამპმა კონგრესს განუცხადა, რომ ირანთან ომი შეწყდა

პერმს ტუაფსეს მსგავსი ეკოლოგიური კატასტროფა ელის

ზურაბიშვილი რეჟიმის მიერ ვენახის გაშენების აკრძალვაზე - დავბრუნდით შაჰ-აბასისა თუ საბჭოთა დროს