დაკავებული დეკანოზის ადვოკატი მიხეილ რამიშვილი ე.წ მატროსოვის ციხეში უკვე მივიდა.  

რამიშვილის თქმით, თუ პროკურატურა მამალაძის მიერ წარდგენილ მტკიცებულებების ობიექტურად შეაფასებს, ბრალდების ვერსია შესაძლოა შეიცვალოს და გამოძიება სხვა მიმართულებით წარიმართოს.

დეკანოზი დღეს უნდა დაიკითხოს. დაცვის მხარის მტკიცებით, სიმართლე პროკურატურის ვერსიისგან რადიკალურად განსხვავდება. ისინი არ გამორიცხავენ, ამას უკავშირდებოდეს დაკითხვის გაჭიანურება, რაც დამატებით კითხვებს აჩენს.

"ჩვენება თავდაყირა დააყენებს პროკურატურის ბრალდებას, მის საფუძველს და არსებობას საერთოდ. იქნება ნათელი, რომ უდანაშაულოა", - აცხადებს მიხეილ რამიშვილი.

პროკურატურის განცხადებით, დეკანოზს ჩვენების მიცემა 5-ჯერ შესთავაზეს, რაზეც მან უარი თქვა. 

დეკანოზი თითქმის ერთი კვირაა აცხადებს, რომ ჩვენების მისაცემად მზად არის. გამოძიებამ მხოლოდ ექსპერტიზა ჩაატარა. მას დნმ-ის, კალიგრაფიის და ხმის ნიმუშები აუღეს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა