ადამიანებს არ უნდა ჩავუნერგოთ იმის განცდა, რომ თუ ადამიანი პარლამენტის წევრი იყო, მერე ის არავის არაფერში სჭირდება, - ამის შესახებ პარლამენტის ყოფილმა წევრმა დავით ლორთქიფანიძემ ყოფილი დეპუტატების დასაქმებასთან დაკავშირებით განაცხადა.

როგორც ლორთქიფანიძემ აღნიშნა, ქვეყანაში მიმდინარეობს მიზანმიმართული კამპანია იმ აზრის დასამკვიდრებლად, რომ საქართველოს პარლამენტის წევრები ნეგატიური მუხტის მატარებლები არიან.

„არ მომწონს ის, რომ, სამწუხაროდ, დღეს ჩვენს ქვეყანაში მიმდინარეობს მიზანმიმართული კამპანია იმ აზრის დასამკვიდრებლად, რომ საქართველოს პარლამენტის წევრები არიან ადამიანები, რომლებიც არიან მხოლოდ ნეგატიური მუხტის მატარებლები. ეს არის სამწუხარო რეალობა და მე დარწმუნებული ვარ, რომ ყველა ქვეყანაში ქვეყნის უმაღლესი წარმომადგენლობითი საკანონმდებლო ორგანოს წევრობა არის უდიდესი პატივი და მათ შორის ჩვენს ქვეყანაში არის ასე. ჩემი ხედვით, ასე უნდა იყოს. ადამიანებისგან, პარლამენტის წევრებისგან, რაღაც ბუას წარმოჩენა და ადამიანი პარლამენტში თუ იყო, უკვე ის აღარ სჭირდება არავის, ეს არის ცუდი რამ”,- აღნიშნა ლორთქიფანიძემ.

მისივე თქმით, კარგია, რომ გუნდში ყოფილი დეპუტატების დასაქმების საკითხი დგას.

„ჩვენ ვართ ხელისუფლების გუნდი და პასუხისმგებლობა გვაქვს ქვეყნის მართვაზე. იგივე ზვიადაური, ნიშნიანიძე, სოსო დანელია ხელისუფლების გუნდის პირობებში ეს ადამიანები არ არიან იგნორირებულნი. ვფიქრობ, ამაში ცუდი არაფერია. ადამიანებს არ უნდა ჩავუნერგოთ იმის განცდა, რომ თუ ადამიანი პარლამენტის წევრი იყო, მერე ის არავის არაფერში სჭირდება. ჩვენ უფლებამოსილება ნოემბერში შეგვიწყდა, სულ ორი თვე არის გასული. ამიტომ მე არ ვფიქრობ, რომ რაღაც ორი- სამი თვე რაღაც ტრაგედიაა. ჩვენ ვართ ადამიანები, რომელთაც გვაქვს სერიოზული ბექგრაუნდი, პროფესიონალები ვართ ჩვენი საქმის და მე დარწმუნებული ვარ, ყველა ჩემი კოლეგა იქნება ქვეყნის სამსახურში“, - განაცხადა დავით ლორთქიფანიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა