„ივანიშვილის ერთ-ერთმა მარიონეტმა დღეს პრაქტიკულად დაგვიანონსა „რუსთავი 2“ -ის დირექტორის შესაძლო დაკავების ფაქტი. მოვუწოდებ ივანიშვილს და ყველას ვინც აპირებს, მისი ეს დანაშაულებრივი ბრძანება შეასრულოს, არ გადადგას ეს ნაბიჯი“,-ამის შესახებ „ევროპული საქართველოს“  წევრმა გიგა ბოკერიამ ჟურნალისტებს განუცხადა.

როგორც  ბოკერიამ აღნიშნა, „რუსთავი 2“-ის წინააღმდეგ კამპანია ივანიშვილის და მისი გარემოცვის მიერ არის ორგანიზებული.

„ივანიშვილმა და მისმა მარიონეტების გუნდმა ძალიან  დიდი ზიანი მიაყენა ქართულ დემოკრატიას, ქართულ ინსტიტუტებს და სახელმწიფოს. შემიძლია სრული რწმენით ვთქვა, რომ ნაბიჯი „რუსთავი 2“-ის საბოლოოდ ხელში ჩაგდების, ჩახშობის  ან ტელეკომპანიის დირექტორის დღეს  შესაძლო დაკავების თაობაზე იქნება ყველა სხვა ზიანთან შედარებით ყველაზე დიდი ზიანი ქართული დემოკრატიისთვის. ამას შეუქცევადი პროცესები მოჰყვება და ქართული საზოგადოება გააპროტესტებს ხელისუფლებას, ივანიშვილს და მის გარემოცვას ჯერ კიდევ აქვს შანსი  ეს საბედისწერო ნაბიჯი, საბედისწერო პირველ რიგში მათთვის არ გადადგას. გაქვთ შანსი საკუთარი პოლიტიკური მომავალი არ ჩაიგდოთ საფრთხეში და დემოკრატიას ზიანი არ მიაყენოთ“,-განაცხადა ბოკერიამ.

რაც შეეხება „რუსთავი 2“-ის მხარდამჭერ აქციას, რომელიც კვირას არის დაანონსებული, ბოკერიამ აღნიშნა, რომ „ეს ამბავი არ ჩაივლის ისე როგორც ამის ილუზია შეიძლება ივანიშვილს ჰქონდეს“.

„როდესაც ხელისუფლება გადადის ყველა წითელ ხაზს, რჩება ლეგიტიმური პროტესტის ფორმა. ქვეყნა არის საფრთხის წინაშე და ნებისმიერი ასეთი პროცესები არაპროგნოზირებად ვითარებებთან არის დაკავშირებული. ეს არაპროგნოზირებადი ვითარებები იქნება პირადად ივანიშვილის პასუხისმგებლობაზე“,-განაცხადა ბოკერიამ.

შეგახსენებთ, დღეს საპარლამენტო უმრავლესობის ლიდერმა არჩილ თალაკვაძემ ბრიფინგი გამართა და გვარამია-ახვლედიანის სავარაუდო კორუფციული გარიგების თაობაზე, გამოძიების ჩატარება მოითხოვა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საპატრიარქო - ვხედავთ შემთხვევებს, როცა ეკლესიის არაკეთილმოსურნენი ყველა ღონეს ხმარობენ, რათა საზოგადოებაში დააკნინონ სინოდის სხდომის მიმართ სამართლიანობის განცდა

აშშ-ის კონგრესში წარადგინეს რეზოლუცია ჟურნალისტების უფლებების დაცვის შესახებ, სადაც მზია ამაღლობელიც არის ნახსენები

უკრაინის დაზვერვამ კადიროვის სპეცრაზმის ახმატის ათობით მებრძოლი მოკლა

უკრაინამ ჩელიაბინსკის მახლობლად მდებარე აეროდრომზე სუ-57 და სუ-34 ტიპის გამანადგურებლების დაბომბვის შესახებ განაცხადა