ბესიკ ლილუაშვილი წარმომადგენლბითი ხარჯების ზრდასთან დაკავშირებით რეზო ხარაზის ბრალდებას პასუხობს

2017-02-10 17:48:31, 1649 ნახვა

პოლიტიკა

"ნაციონალური მოძრაობის" წევრის, რეზო ხარაზის ბრალდებას აჭარის ა/რ მთავრობის აპარატის წარმომადგენლბითი ხარჯების ზრდასთან დაკავშირებით, აჭარის მთავრობის თავმჯდმარის მრჩეველი ბესიკ ლილუაშვილი პასუხობს.

როგორც ლილუაშვილი აღნიშნავს, "წარმომადგენლობითი ხარჯი, მას შემდეგ, რაც დაინიშნა ზურაბ პატარაძე აჭარის მთვარობის თავმჯდომარედ შეადგენს 59 797 ლარსა და 6 თეთრს , რაც 2-ჯერ ნაკლებია ვიდრე მათ მიერ გაჟღერებული 121 000-ზე მეტი ლარი".

,,პირველ რიგში ეს არის პასუხი არა ნაციონალური მოძრაობისთვის, არამე ჩვენი მოქალაქეებისთვის, იმიტომ, რომ ჩვენ გვაქვს მიზანი მოსახლეობამ ზუსტად იცოდეს ყველა იმ ხარჯის შესახებ, რომელსაც წევს აჭარის მთავრობის აპარატი. პირველი, რის თქმაც მინდა არის ის, რომ არითმეტიკაში მწყრალად არიან ოპონენტები. წარმომადგენლობითი ხარჯი, მას შემდეგ, რაც დაინიშნა ზურაბ პატარაძე აჭარის მთვარობის თავმჯდომარედ შეადგენს 59 797 ლარსა და 6 თეთრს , რაც 2-ჯერ ნაკლებია ვიდრე მათ მიერ გაჟღერებული 121 000-ზე მეტი ლარი. აქვე მინდა განმარტება გავაკეთო, რომ ეს არ არის სარესტორნო ხარჯი და ყავა სუმბათაში გადახდილი ხარჯი მხოლოდ. ეს არის წარმომადგენლობითი ხარჯი, რაც გულისხმობს იმას, რომ ეს თანხები დაიხარჯა იმისათვის, რომ მომხდარიყო რეგიონის პოტენციალის წარმოჩენა ინვესტორებისათვის, ტურისტული პოტენციალის წარმოჩენა ასევე ამ სფეროში მომუშავე ინვესტორებისათვის. ეს არის საერთაშორისო კონფერენციები, ფორუმები, რომლებსაც უმასპინძლა აჭარამ და კონკრეტულად ბათუმმა. ასეთი მაგალითად იყო ევროპის რეგიონთა ასამბლეის შავი ზღვის სამიტი. გარდა ამისა, ჩვენ მივიღეთ არაერთი უცხოური დელეგაცია, რომლებიც აჭარაში ინვესტიციების განხორციელებით არიან დაინტერესებულნი. და ეს თანხები მთლიანად მოხმარებული იყო მიზანმიმართულად და სწორად. ეს არის საჯარო ინფორმაცია. ნებისმიერ დიანტერესებულ პირს შეუძლია მოვიდეს, აიღოს ეს ინფორმაცია და თუ რამე სამართალდარღვევას აღმოაჩენს, ჩვენ მზად ვართ პასუხი ვაგოთ"-აღნიშნა ბესიკ ლილუაშვილმა საპასუხო კომენტარში.