„მაუწყებლის რეფორმა მისაღებია, ნურავის ნუ ეგონება რომ ცვლილებების წინააღმდეგი ვართ“, - ამის შესახებ საზოგადოებრივი მაუწყებლის ნდობის ჯგუფის წევრმა დოდო შონავამ ჟურნალისტებს განუცხადა.

მისი თქმით, ნდობის ჯგუფი მუშაობას იწყებს დოკუმენტზე, რომელსაც საზოგადოებასა და სამეურვეო საბჭოს წარუდგენს.

მანვე განმარტა, რომ დოკუმენტში  გაწერილი  იქნება ის პრინციპები, რომელთა მიხედვითაც საზოგადოებრივი მაუწყებლის ეტაპობრივი მოდერნიზება უნდა მოხდეს.

„ჩვენთვის  მისაღებია რეფორმა საზოგადოებრივი მაუწყებლის. ნურავის ნუ ეგონება, რომ ჩვენ ცვლილებების წინააღმდეგი ვართ. ჩვენ წლებია  ცვლილებებს მოვითხოვთ. ჩვენ მოვითხოვთ კომპეტენტურ მენეჯმენტს და მართლზომიერ მართვას როგორც ადამიანური რესურსების ისე ფინანსებისა. ჩვენ ვიწყებთ ძალიან სერიოზულ დოკუმენტზე მუშაობას , წარვუდგენთ საზოგადოებას და ბორდს. ამ დოკუმენტში იქნება გაწერილი ის პრინციპები, რომლითაც მიგვაჩნია, რომ უნდა მოხდეს ეტაპობრივი მოდერნიზება  საზოგადოებრივი მაუწყებლის“,-აღნიშნა შონავამ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა