კალიფორნიის უნივერსიტეტის მეცნიერების მიერ ჩატარებული კვლევის თანახმად, დღეში ორჯერ თითო მტევანი ყურძნის მიღებას ალცჰეიმერის დაავადების მძიმე შედეგების თავიდან არიდება და მეხსიერების გაუმჯობესება შეუძლია, - ამის შესახებ ჟურნალი Experimental Gerontology იუწყება და კვლევის შედეგებს აქვეყნებს.

როგორც მეცნიერებმა დაადგინეს, ყურძენი ტვინის იმ ზონების გააქტიურებას ახდენს, რომლებიც ალცჰეიმერის დაავადებასთანაა დაკავშირებული. სწორედ ამ ზონებში მეტაბოლური პროცესების დაქვეითება ალცჰაიმერის დაავადების ადრეულ სტადიაზე ხდება.

ჩატარებული კვლევის თანახმად, 6 თვის განმავლობაში ყურძნის მიღებამ მეხსიერების დაქვეითების ადრეული სტადიის მქონე პაციენტების ყურადღების კონცენტრაცია და მეხსიერება გააუმჯობესა.

ამასთან, ყურძნის დადებითი ეფექტი, როგორც კოგნიტური შესაძლებლობების შესწავლის, ისე ტვინის პოზიტრონულ-ემისიური ტომოგრაფიის შედეგად დადასტურდა.

კვლევის ავტორის დოქტორ დენიელ სილვერმანის განცხადებით, საცდელი კვლევა მიუთითებს ყურძნის სასარგებლო თვისებებზე ნევროლოგიური და გულსისხლძარღვთა სისტემის სიჯანსაღის შენარჩუნების მიმართულებით, თუმცა მანვე დასძინა, რომ აღნიშნული ეფექტის დასადასტურებლად უფრო ფართო კვლევებია საჭირო.

ცნობისთვის, ალცჰეიმერი არის განუკურნებელი დაავადება, რომელიც მეხსიერების დაკარგვას იწვევს. იგი პირველად 1906 წელს გერმანელმა ფსიქიატრმა და ნევროპათოლოგმა ალოის ალცჰეიმერმა აღწერა, რის გამოც აღნიშნულ დაავადებას მისი სახელი დაერქვა. იგი ძირითადად ადამიანებს 65 წლის ასაკის ზემოთ ემართებათ, თუმცა ნაკლებად, მაგრამ მაინც გაცილებით უფრო ადრეულ ასაკშიც იჩენს თავს. 2006 წლის მონაცემებით, მსოფლიოში ალცჰეიმერიით 26 მილიონზე მეტი ადამიანი იყო დაავადებული. როგორც ვარაუდობენ, 2050 წლისათვის დედამიწაზე ყოველი 85 ადამიანიდან ერთი ამ სენით იქნება დაავადებული.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკის მომხმარებლებს Western Union-ის გზავნილებზე 50%-იანი ფასდაკლებით სარგებლობა შეუძლიათ

SpaceX-ის, Apple-ისა და Nvidia-ს ხელმძღვანელები ტრამპსა და სი ძინპინს ვახშამზე შეუერთდნენ

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია