2017-02-02 18:04:13, 1272 ნახვა
პოლიტიკა
ყოლბაია საქართველოს მოსახლეობას ვიზა-ლიბერალიზაციის საკითხის დადებითად გადაწყვეტას ულოცავს
ვახტანგ ყოლბაია საქართველოს მოსახლეობას ვიზა-ლიბერალიზაციის საკითხის დადებითად გადაწყვეტას ულოცავს.
მისი განცხადებით, მას განსაკუთრებით ახარებს ის, რომ ვიზა-ლიბერალიზაციით აფხაზეთის მოსახლეობაც ისარგებლებს.
"ვულოცავ საქართველოს მოსახლეობას ვიზა-ლიბერალიზაციის საკითხის დადებითად გადაწყვეტას. მეამაყება, რომ საქართველოსთვის უვიზო რეჟიმის შემოღებას ევროპარლამენტის უდიდესმა უმრავლესობამ მხარი დაუჭირა. ეს დიდი გამარჯვებაა, რომელიც დადებითად აისახება ჩვენს ახალგაზრდობაზე, ჩვენს მოსახლეობაზე, ჩვენს ევროპულ მომავალზე.
განსაკუთრებით მახარებს ის, რომ ვიზა-ლიბერალიზაციის სიკეთით ისარგებლებს აფხაზეთის მოსახლეობაც. კიდევ ერთხელ ვულოცავ უკლებლივ ყველას ამ დიად გამარჯვებას", - აღნიშნა ყოლბაიამ.
(NS)
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
