ენერგეტიკის მინისტრ კახი კალაძის განცხადებით, „გაზპრომთან“ დაკავშირებით ყველა კითხვას ამომწურავი პასუხი გაეცა და მოსახლეობა მაქსიმალურად ინფორმირებულია.

როგორც კალაძემ ჟურნალისტებს განუცხაადა, ხელშეკრულება უკვე ხელმოწერილია და საქართველომ შეთანხმებას  მიაღწია. რაც შეეხება ხელშეკრულების გასაჯაროვებას, კალაძის  თქმით, დეტალების გასაჯაროვება მხოლოდ ქართული მხარის გადასაწყვეტი არ არის:

„ეს უნდა მოხდეს ორმხრივი შეთანხმებით და მხოლოდ ქართული მხარის გადასწყვეტი არაა, თუ რა დეტალები უნდა გასაჯაროვდეს. როგორც გითხარით, ამ მიმართულებით ვმუშაობთ და ვნახოთ, რა შედეგი იქნება. ზოგადად, შემოდის  სხვადასხვა წერილები იმასთან დაკავშირებით, რომ მაგალითად უნდა იყოს გასაჯაროვებული „სოკარის“ ხელშეკრულება, ასევე გასაჯაროვდეს შაჰდენიზის  ხელშეკრულება. ვფიქრობ, რომ ეს არასწორია. ჩვენს ქვეყანას,  ისევე როგორც სხვა ნებისმიერ ევროპულ და განვითარებულ ქვეყანას, აქვს შესაძლებლობა,  ასეთი ტიპის ხელშეკრულების დეტალები არ გაასაჯაროვოს,  რადგან ისინი კომერციული საიდუმლოა“,-აღნიშნა კალაძემ.

ჟურნალისტის კითხვზე- გეგმავს  თუ არა  პარლამენტში მისვლასა და საპარლამენტო უმცირეობასთან „გაზპრომის“ ხელშეკრულებასთნ დაკავშირებით დებატების გამართვას, კალაძემ განაცხადა, რომ  პოლიტიკურ სპეკულაციებში და შოუებში  მონაწილეობის მიღებას არ აპირებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით