ბიბილაშვილი: ივანიშვილს ე.წ. კაბელების საქმეზე დაკავებულები მძევლებად აღარ სჭირდება და გაათავისუფლა

2017-01-28 13:44:58, 1927 ნახვა

პოლიტიკა კომენტარი

„ერთიანი ნაციონალური მოძრაობის“ პოლიტიკური საბჭოს თავმჯდომარის მოადგილე ზაზა ბიბილაშვილი ე.წ. კაბელების საქმეზე დაკავებულების გათავისუფლებას ეხმაურება და აცხადებს, რომ „ეს ადამიანები ბიძინა ივანიშვილის მძევლები იყვნენ, რომლებიც მან პოლიტიკურ იარაღად გამოიყენა“.

„ეს ადამიანები იყვნენ პოლიტიკური პატიმრები, ისინი გამოიყენეს დღეს უკვე ოპოზიციური პარტიის წინააღმდეგ პოლიტიკური ბრძოლის იარაღად. როგორც ჩანს ივანიშვილს ისინი მძევლებად აღარ ჭირდება და გაათავისუფლა. თუმცა პრობლემა - რომ საქართველოსი პოლიტიკური პატიმრები რჩებიან, ისევ პრობლემაა. ჩვენ, ერთიანი ნაციონალური მოძრაობა გააგრძელებს ბრძოლას იმისთვის, რომ ქვეყანაში არცერთი პოლიტიკური პატიმარი არ დარჩეს“ - განაცხადა ბიბილაშვილმა.

ცნობისთვის, ე.წ კაბელების საქმეზე მსჯავრდებულები პრეზიდენტმა გიორგი მარგველაშვილმა გუშინ შეიწყალა. მათ საპატიმრო უკვე დატოვეს.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან