საკონსტიტუციო კომისიის წევრი, ექსპერტი ვახტანგ ძაბირაძე მიიჩნევს, რომ აუცილებელია კონსტიტუციაში შესწორებები 2020 წლის საპარლამენტო არჩევნების შემდეგ ამოქმედდეს.

როგორც ძაბირაძემ განმარტა, ასეთ შემთხვევაში კომისია მიმდინარე პოლიტიკური პროცესების ზეგავლენისგან გათავისუფლდება.

 „ვფიქრობ,  აუცილებელია და კარგი იქნება თუ გადავწყვეტთ,  რომ კონსტიტუციაში შესწორებები ამოქმედდეს  2020  წლის საპარალამენტო  არჩევნების შემდეგ. ეს საშუალებას მოგვცემს კომისია გავათავისუფლოთ მიმდინარე პოლიტიკური პროცესის ზეგავლენისგან. სამჯერ  მოხდა ფუნდამენტური შესწორებების შეცვლა კონსტიტუციაში და სამივე შემთხვევაში მნიშნელოვანი ნეგატიური გავლენა იქონია იმან, რომ კონსტიტუციაში შესული შესწორებები დატვირთული  იყო იმ პოლიტიკური მოვლენებით, რაც იმ წუთში ქვეყანაში  ვითარდებოდა. მგონია, რომ სანამ პარლამენტს გადაეცემა ნედლი ვარიანტი, რომელსაც კომისია შეიმუშავებს, იქნებ კომისიამ თვითონ მოაწყოს მისი განხილვა საზოგადოების იმ ნაწილისათვის, რომელიც დარჩა უკმაყოფილი, რომ კომისიის წევრი არ არის და  ა.შ.  შემდეგ შეიკრიბოს კომისია, თუ იქიდან რამე წინადადება იქნება, მიღებული  წინადადებები გადაამუშაოს  და ამის შემდეგ წავიდეს პარლამენტში. ერთხელ და სამუდამოდ დავასრულოთ საქართველოში კონსტიტუციის შემუშავების პროცესი, იმიტომ რომ 25 წელია ეს პროცესი მიდის და  დამთავრდება თუ არა კაციშვილმა არ იცის“,-განაცხადა ვახტანგ ძაბირაძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პუტინი: რუსეთი მზად იყო უკრაინასთან მოლაპარაკებები არჩევნების შემდეგ განაახლოს

CBS News: აშშ კუბასთან ომს გეგმავს

უცხოური ტერორისტული ორგანიზაციების მატერიალური მხარდაჭერის ბრალდებით, აშშ-ში უზბეკეთის მოქალაქის ექსტრადიცია განხორციელდა

მაკა ბოჭორიშვილის შეხვედრა ბელარუსის საგარეო საქმეთა მინისტრთან მაქსიმ რიჟენკოვთან