კორძაია: უდანაშაულო ადამიანები სასამართლომ ციხეში დამნაშავის სახელით დატოვა

2017-01-26 16:27:07, 2557 ნახვა

სამართალი კომენტარი

„რესპუბლიკური პარტიის“ წევრის თამარ კორძაიას შეფასებით, სააპელაციო სასამართლომ ე.წ. კაბელების საქმეზე უსამართლო გადაწყვეტილება მიიღო.

მისი თქმით, სასამართლომ უდანაშაულო ადამიანები ციხეში დამნაშავის სახელით დატოვა.

„სააპელაციო სასამართლოს გადაწყვეტილების შეღავათი არის ის, რომ ეს ხალხი მალე გამოვა ციხიდან. რაც შეეხება თვითონ გადაწყვეტილების არსს, ეს არის უსამართლო გადაწყვეტილება. იმიტომ რომ უდანაშაულო ადამიანები სასამართლომ დამნაშავის სახელით დატოვა, როდესაც ამას ვამბობ რა თქმა უნდა ვთვლი, რომ აქ არის პოლიტიკური ინტერესი“,-აღნიშნა თამარ კორძაიამ საააპელაციო სასამართლოში გადაწყვეტილების გამოცხადების შემდეგ.

შეგახსენებთ, სააპელაციო სასამართლომ ე.წ. კაბელების საქმეზე ბრალდებულები დამნაშავედ ცნო სისხლის სამართლის კოდექსის 332-ე მუხლის პირველი ნაწილით, რაც სამსახურებრივი უფლებამოსილების ბოროტად გამოყენებას გულისხმობს ანუ სასამართლომ ბრალდებულების მიმართ მუხლი გადააკვალიფიცირა. თავდაცვის სამინისტროს ხუთი ყოფილი მაღალჩინოსანი ციხეს დაახლოებით ორ თვეში დატოვებს

პროცესს „თავისუფალი დემოკარტების“ წევრები და ბრალდებულების ახლობლები ესწრებობდნენ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან