პრეზიდენტის არჩევის წესი არ არის ისეთი საკითხი, რომელიც სხვა ნორმებისგან იზოლირებულად უნდა განვიხილოთ, - ამის შესახებ საქართველოს პარლამენტის თავმჯდომარემ, ირაკლი კობახიძემ ”საზოგადოებრივი მაუწყებლის” ეთერში პრეზიდენტის არჩევის წესის შესახებ დასმული კითხვის საპასუხოდ განაცხადა. 

მისი თქმით, "მთავარია, ჩვენ სწორად განვსაზღვროთ ის თუ არჩევის რომელი წესი არის უფრო მეტად მიზანშეწონილი ჩვენი ქვეყნისთვის".

”მე, ჩემი პირადი პოზიციის გაჟღერებისგან ბუნებრივია, თავს შევიკავებ. მე მინდა, რომ აბსოლუტურად ღია და გახსნილი დისკუსია გვქონდეს ამ საკითხთან დაკავშირებით. პრეზიდენტის არჩევის წესი არ არის ისეთი საკითხი, რომელიც ჩვენ უნდა განვიხილოთ იზოლირებულად სხვა ნორმებისგან. ჩვენ პირველ რიგში, ვიდრე გადავალთ არჩევის წესის განხილვაზე, ამ საკითხზე მსჯელობაზე, უნდა განვიხილოთ, თუ როგორ უნდა გაიმიჯნოს უფლებამოსილებები აღმასრულებელ შტოს, მთავრობას და საქართველოს პრეზიდენტს შორის. მხოლოდ ამის შემდეგ შეიძლება ჩვენ სიღრმისეულად ვიმსჯელოთ პრეზიდენტის არჩევის წესთან დაკავშირებით. წმინდა სამართლებრივი თვალსაზრისით, როგორც პირდაპირი, ისე არაპირდაპირი არჩევის წესი არის ლეგიტიმური, არის სწორი. არსებობს სხვადასხვა ქვეყანა, მათ შორის საპარლამენტო წყობის, სადაც პრეზიდენტები აირჩევიან ან პირდაპირი ან არაპირდაპირი წესით, ორივე წესი არის ლეგიტიმური. მთავარია, ჩვენ სწორად განვსაზღვროთ ის თუ არჩევის რომელი წესი არის უფრო მეტად მიზანშეწონილი ჩვენი ქვეყნისთვის”, - განაცხადა კობახიძემ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

აზერბაიჯანელმა პოლიტპატიმრებმა ფონ დერ ლაიენს ბაქოში ვიზიტის დროს ადამიანის უფლებების საკითხების წამოჭრისკენ მოუწოდეს

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს