პარლამენტის ყოფილი თავმჯდომარე დავით უსუფაშვილი აცხადებს, რომ აქტიურ პოლიტიკაში აუცილებლად დაბრუნდება.

როგორც უსუფაშვილმა „TV პირველთან“ ინტერვიუში აღნიშნა, ქართულ პოლიტიკურ სივრცეში  ძალიან სერიოზულ ადამიანებთან ერთად, სერიოზული საქმის კეთების მცდელობა ექნება.

„პირველ რიგში მინდა ვთქვა, რომ არიან ადამიანები, რომლებსაც სურთ ჩემი პოლიტიკაში დაბრუნება. დიახ, მე დავბრუნდები აქტიურ პოლიტიკაში აუცილებლად. თუმცა,  შესაძლოა, არიან ადამიანები, რომლებსაც ჩემი დაბრუნება არ სურთ აქტიურ პოლიტიკაში, მაგრამ მათაც მივმართავ და ვეტყვი, რომ აუცილებლად დავბრუნდები. ეს იქნება სწორედ იმ სქემით რაც მე განვაცხადე დაახლოებით თვენახევრის წინ, რომ მექნება ძალიან სერიოზული მცდელობა სერიოზულ ადამიანებთან ერთად ქართულ პოლიტიკურ სივრცეში სერიოზული საქმის კეთების. ამისთვის ყველა საჭირო ინსტრუმენტზე მიდის ფიქრი და მუშაობა. ამისთვის საჭიროა ძალიან ბევრი ადამიანის თანადგომა, სინამდვილეში ამისთვის ვიყენებ შვებულებას და არა დასვენებისთვის. პოლიტიკური პროცესები თავისი კანონზომიერებიებებით ხასიათდება, ჩვენ ვართ პოსტ საარჩევნო ეპოქაში. პოლიტიკური კითხვა იმის შესახებ თუ ვინ მართავს ქვეყანას იქნა პასუხგაცემული გასულ საპარლამენტო არჩევნებზე, ამიტომ ჩვენ ყველა ვინც ძალიან კმაყოფილი ან ძალიან უკმაყოფილო ვართ არჩევნების შედეგებით, უნდა შევეგუოთ იმ რეალობას, რომ შემდეგი ოთხი წლის განმავლობაში პოლიტიკური მართვაც „ქართული ოცნების“ ხელშია და პოლიტიკური პასუხისმგებლობაც“, - განაცხადა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთის ელიტა ომის ესკალაციისთვის ემზადება უკრაინის მიერ რუსეთის სიღრმეში თავდასხმების შემდეგ - The Washington Post

ცოტნე ივანიშვილი პარლამენტში ცემა-ტყეპაზე - ხელი როგორ მოხვდა, რა ფორმით მოხდა, რა სიძლიერით მოხვდა, ამის ზომვა როგორ უნდა დავიწყოთ?

ოლიგარქის ვაჟს ცოტნე ივანიშვილს ოცნების ახალგაზრდული ორგანიზაცია აბარია და ამბობს რომ პოლიტიკაში ჩართვის ინტერესი არ აქვს

ელენე ხოშტარიას უახლოეს დღეებში დამატებითი კვლევების ჩატარების მიზნით, სამოქალაქო სექტორის კლინიკა „ვივამედში" გადაიყვანენ