ძიძიგური: ვფიქრობ, ეკონომიკურმა გუნდა ყველა კითხვას უპასუხა

2016-12-21 13:47:48, 1825 ნახვა

პოლიტიკა კომენტარი

ვფიქრობ, რომ ყველა კითხვაზე, რაზეც პასუხი უნდა გაეცა ეკონომიკურ გუნდს, გაცემულია, - ამის შესახებ "ქართული ოცნების" დეპუტატმა ზვიად ძიძიგურმა განაცხადა.

როგორც ძიძიგურმა აღნიშნა, მთავრობის ეკონომიკური გუნდის დამატებით პარლამეტნში მოსვლის აუცილებლობა არ არსებობს და ოპოზიციას მხოლოდ აჟიოტაჟის ატეხვა უნდა.

„არამგონია რაიმე ახალი სათქმელი ჰქონდეს ეკონომიკურ გუნდს იმის მერე, რაც პარლამენტში იყო. ვერ ვხედავ რაიმე დატვირთვას ეკონომიკური გუნდის, რომ კიდევ დამატებით პარლამენტში მოვიდეს, გარდა იმისა, რომ ოპოზიციას აჟიოტაჟის ატეხვა სურს. სურთ მეტი იხმაურონ, რომ ძალიან წუხან ლარის კურსთან დაკავშირებით. არავითარი წუხილი მათ არ გააჩნიათ. რაიმე წუხილი რომ ჰქონდეთ, თემით სპეკულირებას თავს დაანებებდნენ და აჟიოტაჟის შექმნას არ შეუწყობდნენ ხელს,“ - განაცხადა ზვიად ძიძიგურმა.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან