ფინანსთა მინისტრი დიმიტრი ქუმსიშვილი არ ეთანხმება „ნაციონალური მოძრაობის“ წევრების განცხადებებს იმასთან დაკავშირებით, რომ ლარის კურსის გაუფასურებაზე  ბიუჯეტის ხარჯვითი ნაწილი ახდენს გავლენას.

ქუმსიშვილის თქმით, საპარლამენტო უმცირესობისთვის  დღეს ძალიან სენსიტიურ თემაზე აპელირება მომგებიანია. ქუმსიშვილი ამბობს, რომ ვალუტის კურსზე დოლართან მიმართებაში  საქართველოს ეკონომიკის დამოკიდებულება მოქმედებს, რაც აუცილებლად შემცირდება:

„ლარის გაუფასურებასთან დაკავშირებით არ ვეთანხმები არც ბატონი რომანის განცხადებას, არც ბატონ ზურაბის განცხადებას იმასთან დაკავშირებით, რომ სახელმწიფო ბიუჯეტის ხარჯვით ნაწილს აქვს ზეგავლენა ლარის გაუფასურებაზე. მეტსაც გეტყვით, სახაზინო ოპერაციები წლის დასაწყისიდან 260 მილიონი ლარით მეტია ამოღებული ეკონომიკიდან, აქედან გამომდინარე, ამას არ გავიზიარებ. რა თქმა უნდა, თქვენთვის დღეს პოლიტიკურად ძალიან მომგებიანია ძალიან სენსიტიურ თემაზე მუდმივი აპელირება, თუმცა, ვფიქრობ, თქვენს შორის არიან ადამიანები, ვისაც გააჩნია იმდენი ცოდნა, რომ რეალობას მიხვდეს და იცოდეს, თუ რეალურად რა მოქმედებს ვალუტის კურსზე. ყველაზე დიდი გამოწვევა ამ ქვეყანაში არის ჩვენი ეკონომიკის დამოკიდებულება დოლართან მიმართებაში და ჩვენ მივაღწევთ, რომ ეს დამოკიდებულება დოლართან მიმართებაში შემცირდეს, რაც თავის მხრივ მოგვცემს უკვე ეკონომიკის სწორ მართვას“,-განაცხადა დიმიტრი ქუმსიშვილმა და დასძინა, რომ 2017 წლის ბიუჯეტი „ქართული ოცნების“ საარჩევნო პროგრამის პრიორიტეტებს სრულად  ასახავს:

„რა მოხდება იმ შემთხვევაში, თუ ჩვენ არ გავზრდით ბიუჯეტს? როდესაც თქვენ პოლიტიკოსები ბრძანდებით, როდესაც პოლიტიკაში ისახავთ მიზანს, და როდესაც ამ მიზნის გჯერა და მე ამ მიზნის მჯერა გულწრფელად, შესაბამისად ეს მიზნები შემდგომ აისახება თქვენს საარჩევნო პროგრამაში და საარჩევნო პროგრამიდან  გადადის ბიუჯეტში. ჩვენი ბიუჯეტი სრულად ასახავს იმ პრიორიტეტებს, რაც  გვქონდა ჩვენს საარჩევნო პერიოდში, რა პრიორიტეტებითაც გავიმარჯვეთ არჩევნებში და ეს შექმნის ბევრ სამუშაო ადგილს“,-აღნიშნა  დიმიტრი ქუმსიშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მედვედევი - დასავლეთმა საქართველო მხოლოდ ჩვენს წინააღმდეგ გეოპოლიტიკური ბრძოლის უხეშ ინსტრუმენტად გამოიყენა

ნიკა გვარამია ირაკლი კობახიძის განცხადებაზე - აი, ეს არის სამშობლოს ღალატი - სამართლებრივადაც

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით