საქართველოს პრემიერ-მინისტრი გიორგი კვირიკაშვილი ინიციატივით გამოდის, შოთა რუსთაველის დღე დაწესდეს.

 მთავრობის სხდომაზე პრემიერმა  კულტურისა და განათლების მინისტრებს აღნიშნულ საკითხზე მუშაობა დაავალა:

„შოთა რუსთაველის დაბადებიდან 850 წლის იუბილე ერთ-ერთი მნიშვნელოვანი საკითხია. ჩვენ, რა თქმა უნდა, რუსთაველთან დაკავშირებულ არაერთ საზეიმო ღონისძიებას დავსწრებივართ და გაგვიმართავს, მაგრამ უნდა ვთქვათ და ვაღიაროთ, რომ საარჩევნო პროცესთან და გრძელვადიან წინასაარჩევნო პროცესთან დაკავშირებით ჩვენ ვერ შევძელით იმ დონეზე ამის აღნიშვნა, როგორც შეეფერებოდა ამ უდიდეს მწერალს. ამიტომ მე მიმაჩნია, რომ კარგი იქნებოდა, დაგვეწესებინა შოთა რუსთაველის დღე, რომელიც ყოველწლიურად გახდებოდა პოეზიის, ჰუმანიზმის ზეიმი და იქნებოდა საქართველოს წარმოჩენისთვის ძალიან კარგი შესაძლებლობა. ვთხოვ, კულტურისა და განათლების მინისტრებს, რომ ამ საკითხზე იმუშაონ და მეტი კონკრეტიკა შევთავაზოთ საზოგადოებას“, - განაცხადა გიორგი კვირიკაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პაპუაშვილი: ერთი არის ქართველი ჯარისკაცებისა და მშვიდობიანი მოსახლეობის გმირობა და თავდადება და მეორე - მარიონეტული რეჟიმის მოღალატეობრივი არსი

სერბეთის პრეზიდენტმა ეჭვი გამოთქვა უკრაინაში ომის გარდაუვალ დასრულებასთან დაკავშირებით

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს