იუსტიციის საბჭოს მდივნის ლევან მურუსიძის განცხადებით, ვანო ზარდიაშვილთან და მიშა ჩინჩალაძესთან დაკავშირებით, მოსამართლეებზე ზეწოლის შესახებ  გავრცელებული ინფორმაცია ცილისწამებაა და ამის დამადასტურებელი არცერთი ფაქტი არ არსებობს.

მურუსიძე ამბობს, რომ იუსტიციის უმაღლესი საბჭო ცილისწამებაზე და აბსურდულ თემებზე  შემოწმებას ვერ დაიწყებს.

„ის არგუმენტები რაც დასახელდა, რომ ჩინჩალაძე  და ზარდიაშვილი  ახდენდა ზეწოლას სასამართლო სისტემაში არის ცილისწამება და აბსურდული. ამაში 100%-ით დარწმუნებული ვარ და ცილისწამებაზე და აბსურდულ თემაზე საბჭო შემოწმებას ვერ დაიწყებს. თუ  იქნება რაიმე ფაქტი და მოსამართლეები განაცხადებენ ამას და გარედან იქნება ინფორმაცია და ფაქტი, რომ რაიმე ზეწოლა მოხდა, თუნდაც რომ ყოფილიყო ფაქტი, რომ ზარდიაშვილი და ჩიჩნალაძე შეხვდნენ მოსამართლეებს, მაშინ კიდევ შეიძლება გვეფიქრა. ჩინჩალაძე და ზარდიაშვილი მეჯვარეები არიან და როგორ ფიქრობთ შეხვდებიან თუ არა ერთმანეთს.  რა შუაშია მათი შეხვედრა იმ  სამ  მოსამართლესთან, რომელიც გადაწყვეტილებას იღებს“,-აღნიშნა მურუსიძემ. 

ცნობისთვის, „რუსთავი 2“-ის გენერალურმა დირექტორმა ნიკა გვარამიამ მიშა ჩინჩალაძე და ვანო  ზარდიაშვილი „რუსთავი 2“-ის საქმის მოსამართლეებზე ზეწოლაში დაადანაშაულა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა