„ერთიანი ნაციონალური მოძრაობის" წევრი ნუგზარ წიკლაური არ გამორიცხავს, პარტიის ნაწილმა ყრილობას ბოიკოტი გამოუცხადოს, თუ "ენმ"-ს თავმჯდომარის პოსტზე კენჭისყრა იქნება.

როგორც წიკლაურმა აღნიშნა, „ნაციონალური მოძრაობის“ თავმჯდომარის პოსტზე კენჭისყრა არ უნდა მოხდეს.

„მიმაჩნია, რომ თუ ამგვარი გადაწყვეტილება იქნება მიღებული, ეს მოემსახურება ბიძინა ივანიშვილის ინტერესებს. ხელისუფლების მთავარი ამოცანა სააკაშვილის გამიჯვნა იყო მიმდინარე პოლიტიკური მოვლენებიდან. ეს არ გამოუვიდა და სამწუხარო იქნება, თუ ჩვენი თანამებრძოლების ხელით მოახერხებს ამას”, - განაცხადა წიკლაურმა.

მისივე ინფორმაციით, ყველა რეგიონული ორგანიზაცია მიხელ სააკაშვილის მიერ ინიცირებულ ყრილობის ვარიანტს უჭერს მხარს.

„თუ  ახალი თავმჯდომარის არჩევის გადაწყვეტილება იქნება მიღებული, ერთ მხარეს იქნება მთელი პარტიული ორგანიზაცია და მეორე მხარეს პოლიტსაბჭოს წევრთა ჯგუფი, რომელსაც არანაირი გავლენა არ ექნება პარტიაზე. იმ შემთხვევაში, თუ ასეთი დესტრუქციული გადაწყვეტილება მიიღება, ძნელია სასიკეთო მოვლენების განვითარების პროგნოზირება. არ არის გამორიცხული ბოიკოტი გამოვუცხადოთ ყრილობასაც”, - განაცხადა ნუგზარ წიკლაურმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.