ყრილობამ არ უნდა აირჩიოს პარტიის თავმჯდომარე, რამდენადაც ახლა მიხეილ სააკაშვილის წინააღმდეგ პოლიტიკური დევნა მიმდინარეობს და ეს თანამდებობა სიმბოლურად უნდა იყოს ვაკანტურად დატოვებული ამ პოლიტიკური დევნის დასრულებამდე, - ამის შესახებ "ნაციონალური მოძრაობის" წევრმა ჩიორა თაქთაქიშვილმა პარტიის პოლიტსაბჭოს დაწყებამდე განაცხადა.

თაქთაქიშვილის თქმით, ის ყრილობაზე მივიდა, რათა დააფიქსიროს ის პოზიცია, რაც  მხარდამჭერების აბსოლუტურ უმრავლესობას აქვს.

„დღევანდელი პოლიტსაბჭო არის ძალიან მნიშვნელოვანი, არ ყოფილა შემთხვევა, რომ მხარდამჭერებს ასე აინტერესებდეს რა გადაწყვეტილებას მიიღებს პოლიტსაბჭო. მე აქ მოვედი იმისთვის, რომ გამოვთქვა ის პოზიცია, რაც აქვს ჩვენი მხარდამჭერების აბსოლუტურ უმრავლესობას. ისინი მხარს უჭერენ იმას, რომ იყოს დიდი,7000 კაციანი ყრილობა, დელეგატების შერჩევის პროცესი იყოს გამჭვირვალე, დემოკრატიული და არ იყოს შესაძლებლობა გარკვეული მანიპულაციების. ასევე, მეორე მნიშვნელოვანი საკითხი არის ის, რომ ყრილობამ არ უნდა აირჩიოს პარტიის თავმჯდომარე, რამდენადაც ახლა მიმდინარეობს პოლიტიკური დევნა მიხეილ სააკაშვილის წინააღმდეგ და ეს თანამდებობა სიმბოლურად უნდა იყოს ვაკანტურად დატოვებული ამ პოლიტიკური დევნის დასრულებამდე“,- აღნიშნა ჩიორა თაქთაქიშვილმა.

როგორც მან აღნიშნა, "ნაციონალური მოძრაობისთვის" პარტიის ერთიანობის დემონსტრირება მნიშვნელოვანია.

„ჩვენთვის მნიშვნელოვანია პარტიის ერთიანობის დემონსტრირება და სწორედ ამის დემონსტრირება იქნება ის გადაწყვეტილება, რომ ჩვენ შევთანხმდებით 7 000 კაციან ფართომასშტაბიან ყრილობაზე, როდესაც არავის დარჩება იმის ეჭვი, რომ ხდება სპეციალურად მცირე ყრილობის მოწვევა, რომ არ იქნეს ასახული ჩვენი მხარდამჭერების პოზიციები”, - განაცხადა ჩიორა თაქთაქიშვილმა.

ცნობისთვის, "ნაციონალური მოძრაობის" ცენტრალურ ოფისში პოლიტსაბჭოს ყრილობა მიმდინარეობს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

Bloomberg: უკრაინა შეერთებულ შტატებთან შეთანხმდა, რომ შავ ზღვაში ყაზახურ ნავთობტანკერებზე თავდასხმას არ განახორციელებს

პაპუაშვილი - ნაციონალური მოძრაობა შეეგუა 2008 წლის ომის შემდეგ საქართველოს წინააღმდეგ მიღებულ სანქციებსა და ემბარგოს

ფონ დერ ლაიენი: აშშ-მ და ევროკავშირმა ერთობლივად მიზანში უნდა ამოიღონ რუსეთის შემოსავლის ყველა წყარო

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.