კვირიკაშვილი: რაფალინაცის საქმეზე პოლიტიკოსებმა ცხელ კვალზე არასწორი კომენტარები გააკეთეს

2016-11-25 17:48:42, 789 ნახვა

პოლიტიკა

პრემიერი-მინისტრობის კანდიდატის გიორგი კვირიკაშვილის განცხადებით, ბარბარე რაფალიანცის მკვლელობის მიზეზის დადგენა დღემდე ვერ მოხერხდა.

როგორც გიორგი კვირიკაშვილმა უმცირესობის სხდომაზე აღნიშნა, ფაქტის ცხელ კვალზე გამოძიება არ მოხდა, რამაც გამოძიების ეფექტურად მიმდინარეობას ხელი შუშალა.

კვირიკაშვილი ამბობს, რომ მომხდარ მკვლელობასთან დაკავშირებით, პოლიტიკოსების მხრიდან თავდაპირველად არასწორი კომენტარები გაკეთდა:

„რაფალიანცის საქმე ჩემთვის განსაკუთრებით მნიშვნელოვანი იყო და ნამდვილად აღმაშფოთებელი მკვლელობაა, რომელმაც შეძრა მთელი საქართველო. უნდა ვთქვა, რომ სამწუხაროდ, ცხელ კვალზე ეს დანაშაული ვერ იქნა გამოძიებული .დღემდე არაა დადგენილი საბოლო მიზეზი, პოლიტიკოსებმა გააკეთეს ცხელ კვალზე არასწორი კომენტარები. ის, რომ საქმე გამოუძიებელია, სამწუხარო ფაქტია. ხანდახან შესაძლებლობის ფარგლებში რაც კეთდება, ის კეთდება, ამაზე მეტი სამწუხაროდ ვერ გაკეთდა. ყველა მხრიდან იყო ამ საკითხთან დაკავშირებით სპეკულაციები“,-აღნიშნა გიორგი კვირიკაშვილმა.