„პატრიოტთა ალიანსი“ წარმოდგენილ მინისტრთა კაბინეტს ნდობას არ გამოუცხადებს. მთავარი მიზეზი, რისთვისაც მხარს არ დავუჭერთ ამ მინისიტრთა კაბინეტს აგულაშვილი, გიორგაძე და ალავიძეა, - ამის შესახებ პარლამენტის ვიცე-სპიკერმა ირმა ინაშვილმა ჟურნალისტებთან საუბრისას განაცხადა.

როგორც ინაშვილმა აღნიშნა, ზემოხსენებულ კანდიდატებთან პრეტენზიები და მწვავე შეკითხვები აქვს.

„კულტურის მინისტრთან მიმართებაში გვაქვს პრეტენზიები და ეს არის საყდრისის აფეთქება, დანგრევა. უნიკალური ძეგლის განადგურება არის სისხლის სამართლის საქმე და უნდა აგოს პასუხი მან. დღეს, უტიფრად გამოდის და ამბობს, რომ არ ნანობს და კიდევ მოაწერდა ხელს ასეთი ტიპის ბრძანებულებას. მე ვეუბნები მას, რომ დრო მოვა და ის ციხეში წავა, სადაც დრო ექნება იფიქროს სწორად მოიქცა თუ არა ბატონი გიორგაძე. აგულაშვილის მხარს არ ვუჭერთ, რადგან მონაწილეობა მიიღო საგარეჯოს არჩევნების გაყალბებაში. ასევე, განუკითხაობაა ხე ჭრის მიმართულებით. პრეტენზიები გვაქვს და მწვავე შეკითხვები დაისმება განათლების მინისტრთან მიმართებაში, რომელიც დაინტერესებულია მხოლოდ კომბლეს და ქართული ზღაპრების რევიზიით და ვერ ვისმენ, წარმოადგინა თუ არა მან განათლების ეროვნული კონცეფცია. ძალიან საინტერესოა ისეთი პერსონა მინისტრთა კაბინეტში, როგორიც ალავიძეა. ის უკვე ტყუილით იწყებს მის კარიერას. ადამიანი, რომელიც “ნაციონალური მოძრაობის“  შემომწირველი იყო, იმასაც კი არ ადასტურებს, რაც სიმართლეა. ასეთ კაბინეტს მხარს არ დავუჭერთ“,- აღნიშნა ირმა ინაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

მაკრონმა სტარმერს მადლობა გადაუხადა და საფრანგეთსა და ბრიტანეთს შორის თანამშრომლობის გაგრძელება გამოაცხადა

ბრიტანეთის პრემიერ-მინისტრი თანამდებობიდან გადადგა

პოლონეთმა ზელენსკის მიერ დაბრუნებული „თეთრი არწივის ორდენის“ მიღება დაადასტურა

გვარამია ენმ-ზე - ხალხი ერთ პარტიაშია და ბრიფინგებით, სატელევიზიო ეთერებით და სტატუსებით ელაპარაკება ერთმანეთს და წყევლის და აგინებს