„ურთმელიძის გადაწყვეტილებაზე ვფიქრობ და ვიმეორებ იმას, რაც ვთქვი. „რუსთავი 2“-ის გარდა სხვა არხებსაც თუ მოუსმენთ, იქნებ  უკეთ გაიგოთ რომელმა მინისტრმა რა თქვა“, - ასე უპასუხა იუტიციის მინისტრობის კანდიდატმა თეა წულუკიანმა „ნაციონალური მოძრაობის“ წევრის ელენე ხოშტარიას კითხვას, რომელიც სამაუწყებლო კომპანია „რუსთავი 2“-ის საქმეს და მოსამართლე თამაზ ურთმელიძის გადაწყვეტილებას ეხებოდა.

წულუკიანმა აღნიშნა, რომ მას არც „რუსთავი 2“-ის და არც მისი მოწინააღმდეგის ბედი აინტერესებს.

„ის გადაწყვეტილება რაღაცნაირად დახუნძლული მომეჩვენა, რომ იყო სტრასბურგის  ზედმეტი ქეისლოთი  და მაინცდამაინც კარგად არ გამოიყურებოდა. ბოდიშიც მოვიხადე, რომ ვაფასებ სასამართლო გადაწყვეტილებას და  ისიც ვთქვი, მე რომ ვყოფილიყავი მოსამართლე უკეთეს გადაწყვეტილებას დავწერდი მეთქი.  სასამართლო  გადაწყვეტილებების წერა ვიცი კარგად, ათი წელი სტრასბურგში ამას ვაკეთებდი.  აქედან გამომდინარე  არ ვიცი რა გიპასუხოთ, „რუსთავი 2“ -ის ბედი არ მაინტერესებს, არც მისი მოწინააღმდეგე მხარის ბედი მაინტერესებს, სასამართლოშია ეს დავა ყველამ თავის ადვოკატს და მის გაძლიერებას უნდა მიხედოს“,-განაცხადა თეა წულუკიანმა.

მან „ნაციონალურ მოძრაობას“ მიმართა და აღნიშნა, რომ ისინი დღეს საერთო სასამართლოებს ვერ აკონტროლებენ.

„ მე ძალიან კარგად მესმის, რომ თქვენ ვერ აკონტროლებთ საერთო სასამართლოების სისტემას, ეს ძალიან დიდი ტკივილია თქვენთვის.  რაც შეეხება საკონსტიტუციო სასამართლოს,  ასევე ვიზიარებ თქვენს  მწუხარებას, რომ ვერ ათამაშეთ ბათუმში ბოლომდე საკონსტიტუციო სასამართლო  თქვენს ჭკუაზე და ის გეგმა ვერ განახორციელეთ, რომ არჩევნების შედეგებით საერთო და საკონსტიტუციო სასამართლოს მეშვეობით აგეყირავებინათ  ქვეყანაში სიტუაცია. მე დღეს მესმის, რომ თქვენ სასამართლოს ვეღარ აკონტროლებთ  და ხართ დაზაფრულები. კიდევ ბევრი მიზეზი გაქვთ, რომ იყოთ  დაზაფრულები  და ახლა „ოცნების“ მინისტრობის კანდიდატებზე თავდასხმით უმტკიცებთ ვიღაცას ოდესაში, რომ  ის „ნაციონალები ხართ“,-განაცხადა თეა წულუკიანმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

დრონების თავდასხმის შემდეგ ილსკის და სიზრანის ნავთობგადამამუშავებელ ქარხნებს ცეცხლი გაუჩნდა.

დათუნაშვილი - სამშობლოს ღალატში გამოწრთობილი ხელისუფლება მორიგ მოღალატეობრივ აქტს სჩადის

კობახიძე - როდესაც ხელოვნურად ცდილობ, გააღვივო რუსოფობია ქვეყანაში, ეს ნიშნავს იმას, რომ საკუთარ ქვეყანას უწყობ პროვოკაციას

კობახიძე - ევროსაბჭოს რეზოლუციაში წერია, რომ კონფლიქტი ფართომასშტაბიანი საომარი მოქმედებების ფაზაში გადავიდა სააკაშვილის რეჟიმის მიერ ცხინვალის დაბომბვის შემდეგ