მინისტრთა კაბინეტის ახალ შემადგენლობაში 3 ახალი სახე იქნება.

ცვლილებები ფინანსთა და ინფრასტრუქტურის სამინისტროებს, ასევე ევროინტეგრაციის საკითხებში სახელმწიფო მინისტრის აპარატს შეეხო.

პრემიერ-მინისტრის მოვალეობის შემსრულებელმა გიორგი კვირიკაშვილმა ეკონომიკისა და მდგრადი განვითარების მინისტრის თანამდებობაზე გიორგი გახარია, რეგიონული განვითარებისა და ინფრასტრუქტურის მინისტრის თანამდებობაზე ზურაბ ალავიძე, ხოლო ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის თანამდებობაზე ვიქტორ დოლიძე წარადგინა.

სხვა სამინისტროებში ცვლილებები არ განხორციელებულა. ენერგეტიკის სამინისტროს კვლავ კახი კალაძე უხელმძღვანელებს; იუსტიციის სამინისტროს - თეა წულუკიანი; დიმიტრი ქუმსიშვილი, რომელიც აქამდე ეკონომიკის მინისტრის მოვალეობას ასრულდება, ფინანსთა სამინისტროს ჩაუდგება სათავეში; კულტურისა და ძეგლთა დაცვის მინისტრი მიხეილ გიორგაძე იქნება; სოფლის მეურნეობის მინიტრი ლევან დავითაშვილი; თავდაცვის მინისტრი - ლევან იზორია; შს მინისტრი გიორგი მღებრიშვილი; შრომის, ჯანმრთელობის და სოციალურ დაცვის მინისტრი - დავით სერგეენკო; სასჯელაღსრულების მინისტრი - კახა კახიშვილი; ლტოლვილთა და განსახლების მინისტრი - სოზარ სუბარი; გარემოს დაცვის მინისტრი გიგლა აგულაშვილი; სპორტისა და ახალგაზრდობის სამინისტროს - ტარიელ ხეჩიკაშვილი; შერიგებისა და სამოქალაქო თანასწორობის საკითხებში სახელმწიფო მინისტრი ქეთევან ციხელაშვილი; საგარეო საქმეთა მინისტრი - მიხეილ ჯანელიძე.

რაც შეეხება დიასპორის საკითხებში სახელმწიფო მინისტრის აპარატს, რომელსაც გელა დუმბაძე ხელმძღვანელობდა, აღნიშნული უწყება გაუქმდა და მის ფუნქციებს საგარეო საქმეთა სამინისტრო შეითავსებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ტრამპი ირანს „განადგურებით“ დაემუქრა, თუ თეირანი დარტყმებს არ შეწყვეტს

რუსთავის ქალთა ციხესთან, აქტივისტის ნანა სანდერის მხარდამჭერი აქცია მიმდინარეობს

პატრიოტი დანიელი მხარს უჭერს ბულგარეთის წინააღმდეგობას პატრიოტ კირილისთვის სანქციების დაწესების შესახებ

ლევან მაჭავარიანი და არჩილ გორდულაძე ბოდიშს იხდიან პარლამენტში ჩხუბისთვის