22 ნოემბერს, 09:30 საათზე, სასტუმროში „ბილტმორი“ კონფერენცია - „საქართველო-ევროკავშირის ასოცირების ამოცანები“ გაიმართება, რომელსაც საქართველოს პრემიერ-მინისტრის მოვალეობის შემსრულებელი გიორგი კვირიკაშვილი გახსნის. მონაწილეებს სიტყვით მიმართავენ ასევე ევროკავშირის ელჩი საქართველოში იანოშ ჰერმანი, გაეროს ელჩი საქართველოში ნილს სკოტი და ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის მოვალეობის შემსრულებელი დავით ბაქრაძე. 
საკონტაქტო პირი ხათუნა საღინაძე - 599 284000

22 ნოემბერს, 10:00 საათზე, სასტუმრო „ქორთიარდ მარიოტში“ ევროპის ფრენბურთის ფედერაციასა და საქართველოს ფრენბურთის ფედერაციას შორის ოფიციალური ხელშეკრულება გაფორმდება.

22 ნოემბერს, 11:00 საათზე, სასტუმრო "ჰოლიდეი ინნში" „სამართლიანი არჩევნებისა და დემოკრატიის საერთაშორისო საზოგადოების“ ახალი პოლიტიკის დოკუმენტის - ”საარჩევნო ხმის უფლება შეზღუდული შესაძლებლობის მქონე პირთათვის” პრეზენტაცია გაიმართება. 

22 ნოემბერს, 11:00 საათზე, სასტუმროში ,,ვერე პალასი“ ადვოკატთა დამოუკიდებელი პროფკავშირების პრეზენტაცია გაიმართება.

22 ნოემბერს, 11.00 საათზე, სახელმწიფო შესყიდვების სააგენტოს ადმინისტრაციულ შენობაში გაიმართება მეთხუთმეტე შეხვედრა სახელმწიფო შესყიდვებში მონაწილე ბიზნესმენებთან - სადაზღვევო და საპენსიო მომსახურეობის სფეროში მიმწოდებლები. 
მის: ისანი, რიჩარდ ჰოლბრუკის ქ. №8

22 ნოემბერს, 11:00 საათზე, სასტუმრო “ჰოლიდეი ინში” საქართველოში სოციალური დიალოგისა და შრომის უსაფრთხოების შესახებ მე-7 საერთაშორისო კონფერენცია გაიმართება. კონფერენციაზე მომხსენებლები იქნებიან, შრომის საერთაშორისო ორგანიზაციიდან კარი ტაპიოლა, საქართველოს პროფესიული კავშირების გაერთიანების თავმჯდომარე ირაკლი პეტრიაშვილი, საქართველოს პროფკავშირების გაერთიანების წევრი გოჩა ალექსანდრია, საქართველოს დამსაქმებელთა ასოციაციის წევრი მიშა კორძახია, ჯანდაცვის სამინისტროს წარმომადგენელი ელზა ჯგერენაია.

22 ნოემბერს, 12:00 საათზე, საქართველოს ბანკის სათავო ოფისში პრესკონფერენცია გაიმართება. თემა: ტურიზმის ეროვნული დაჯილდოება “Welcome to Georgia“.
მის: გაგარინის #29ა (შესასვლელი სანაპიროს მხრიდან)

22 ნოემბერს, 12:00 საათზე, სპორტისა და ახალგაზრდობის საქმეთა სამინისტროში, მინისტრის მოვალეობის შემსრულებელი ტარიელ ხეჩიკაშვილი ხელბურთის საერთაშორისო ფედერაციის (IHF) სპეციალურ კომისიას სამინისტროში უმასპინძლებს.

22 ნოემბერს, 13:00 საათზე, ”ადამიანის უფლებათა ცენტრი” წარმოადგენს ანგარიშს ”2016 წლის საპარლამენტო არჩევნების მონიტორინგი”, რის შემდეგაც ფილმის პრეზენტაციას გამართავს. 
მის: მელიტონ ქანთარიას ქ. #11ა, 0 სართული

22 ნოემბერს, 14:00 საათზე, მთავრობის ადმინისტრაციაში, საქართველოს პრემიერ-მინისტრის მოვალეობის შემსრულებელი, გიორგი კვირიკაშვილი მინისტრთა კაბინეტის მომავალ წევრებს წარადგენს.
მის.: ინგოროყვას ქ. #7

22 ნოემბერს, 14:00 საათზე, ქართულ-ამერიკულ უნივერსიტეტში ამერიკული ეროვნული დღესასწაულის, მადლიერების დღის აღსანიშნავად აქცია „მადლიერება ძალაა“ გაიმართება, რომელსაც საქართველოში ამერიკის ელჩის მოადგილე ნიკოლას ბერლინერი, საელჩოს წარმომადგენლები დაესწრებიან.

22 ნოემბერს, 14:00 საათზე, ივ. ჯავახიშვილის სახელობის თბილისის სახელმწიფო უნივერსიტეტში შოთა რუსთაველის 850 წლისთავისადმი მიძღვნილი გამოფენა - ,,ვეფხისტყაოსანი’’გაიხსნება.
მის: უნივერსიტეტის ქ. №11, თსუ ბიბლიოთეკის ცენტრალური შენობის საგამოფენო დარბაზი.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ჯაფარიძე - რამდენიმე პარტია კი არ იკრძალება, დე-ფაქტო პოლიტიკური საქმიანობა ეკრძალება სოციუმის საკმაოდ დიდ ჯგუფს

რომის პაპმა სატელეფონო საუბრისას პუტინს მოუწოდა შეწყვიტოს ცეცხლი

ზელენსკიმ განმარტა, თუ რა შესთავაზა აშშ-ს და რატომ გადაწყვიტა ნავთობგადამამუშავებელ ქარხნებზე დარტყმების განახლება

ცხინვალის მარიონეტული რეჟიმი - ტერიტორიული პრეტენზიების "რელიგიური ლოზუნგებით შეფუთვის მცდელობები" რეალობას ვერ შეცვლის