ივანიშვილის უმრავლესობა პარლამენტში არანაირი სერიოზული ოპტიმიზმის საფუძველს არ იძლევა, - ამის შესახებ "ნაციონალური მოძრაობის" ერთ-ერთმა ლიდერმა გიგა ბოკერიამ პარლამენტის სხდომის დაწყებამდე ჟურნალისტებს განუცხადა.

როგორც ბოკერიამ აღნიშნა, "ქვეყანაში იზრდება სიღარიბე, იზრდება კრიმინალი, იზრდება კორუფცია, ეკონომიკა არ იზრდება და ეს სერიოზული კრიზისია.

"უმრავლესობა ამ კრიზისზე პასუხისთვის მზად არ არის. პარლამენტში და პარლამენტს გარეთ, ჩვენი ოპოზიციის ვალია, ყველაფერი გავაკეთოთ, რომ ნაკლები ზიანი მივაყენებინოთ ივანიშვილს და მის გუნდს ჩვენი ქვეყნისთვის. ამისთვის ყველა ლეგიტიმურ, კონსტიტუციურ მეთოდს მივმართავთ პარლამენტში", - განაცხადა ბოკერიამ.

შეგახსენებთ, რომ მე-9 მოწვევის პარლამენტის პირველი სხდომა ამწუთებში დაიწყო. დეპუტატების დამტკიცებისთანავე, მთავრობის მოქმედ შემადგენლობას უფლებამოსილება შეუწყდება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ზელენსკი -რუსეთს ბრძოლის ველზე არსებული ვითარების დამახინჯებული გაგება აქვს

უკრაინა და რუსეთი 3000-მდე სამხედრო ტყვეს გაცვლას გეგმავენ

Nvidia-მ დამოუკიდებელი გამოძიება დაიწყო მისი აღმასრულებელი დირექტორის ჩინეთის დაზვერვასთან სავარაუდო კავშირებთან დაკავშირებით

მეუფე იობი -კორუფცია ყვავის საქართველოში, აღებ-მიცემობაა