2015-03-20 19:16:33, 3580 ნახვა

---

სოფელ ჯიღაურაში სანერგე მეურნეობის ტერიტორიაზე ყურძნისა და ხეხილის სხვადასხვა ჯიშის ნერგების რეალიზაცია ხორციელდება

სსიპ ,,საქართველოს ფინანსთა სამინისტროს მომსახურების სააგენტო“ გაცნობებთ, რომ 2015 წლის 18 მარტიდან, ყოველდღე - ორშაბათიდან პარასკევის ჩათვლით, 11:00 საათიდან 16:00 საათამდე, სოფელ ჯიღაურაში არსებული სანერგე მეურნეობის ტერიტორიაზე ხორციელდება ყურძნისა და ხეხილის სხვადასხვა ჯიშის ნერგების რეალიზაცია. ნებისმიერ დაინტერესებულ პირს შეუძლია შეიძინოს მისთვის სასურველი ჯიშის ნერგები ხელმისაწვდომ ფასად.

"ამასთან აღსანიშნავია, რომ პროდუქციის შეძენით დაინტერესებულ პირთა რაოდენობა საკმაოდ დიდია. მათი მხრიდან ადგილზე ხდება სასურველი ნერგების შერჩევა და შესყიდვა, რაც გარკვეულ დროსთან არის დაკავშირებული, შესაბამისად, რეალიზაციის პროცესის დაწყებიდანვე შეიქმნილია ე.წ. ცოცხალი რიგი",-ნათქვამია განცხადებაში.

საქართველოს ფინანსთა სამინისტროს მომსახურების სააგენტო ბოდიშს უხდის მომხმარებელს შექმნილი გარკვეული დისკომფორტისთვის და მუშაობს იმისთვის, რათა გაითვალისწინოს თითოეული მათგანის ინტერესი და მაქსიმალურად დააკმაყოფილოს მათი მოთხოვნები.
 

---

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

---

დღის თემა

მთავარი თემა

ინტერვიუ - ექსკლუზივი