საქართველოში ნატო-ს „მტკიცე მხარდაჭერის“ მისიის სარდალი  გენერალი ჯონ ნიკოლსონი იმყოფება. ვიზიტის ფარგლებში გენერალი ნიკოლსონი პრემიერ-მინისტრ გიორგი კვირიკაშვილს შეხვდა. შეხვედრის შემდეგ მან მედიისთვის განცხადება გააკეთა.

ნიკოლსონმა საქართველოს მადლობა გადაუხადა იმ წვლილისთვის, რაც მას საერთაშორისო უსაფრთხოების მისიაში შეაქვს.

„ვაფასებთ ქართველი ჯარისკაცებით წარმოდგენილი კონტინგენტის ღვაწლს. იმედი გავქვს, ჩვენი თანამშრომლობა მომავალშიც  გაგრძელდება“,-განაცხადა ნიკოლსონმა.

მისივე განმარტებით, ნატო  მხარს უჭერს  საქართველოს ტერიტორიულ მთლიანობასა და სუვერენიტეტს. ამასთან, გენერალმა ნიკოლსონმა შავი ზღვის უსაფრთხოების მნიშვნელობაზეც ისაუბრა. მისი განცხადებით,  ნატო-ს ბევრი მოკავშირე ქვეყანა  სწორედ შავი ზღვის სანაპიროზე მდებარეობს, ამიტომ  მისი უსაფრთხოება განსაკუთრებით მნიშვნელოვანია.

ნიკოლსონი ამბობს, რომ ამ მიმართულებით სტრატეგია უკვე შემუშავებულია.

თავის ამჟამინდელ პოზიციამდე გენერალ ჯონ ნიკოლსონს  ეკავა ნატო-ს  მოკავშირე სახმელეთო ძალების  სარდლის  თანამდებობა იზმირში, იგი მსახურობდა ავღანეთში  და იყო აშშ-ის გაერთიანებული  შტაბის პაკისტან-ავღანეთის საკოორდინაციო ჯგუფის დირექტორი.

საქართველოს მთავრობაში აცხადებენ, რომ გენერალ ჯონ ნიკოლსონის ვიზიტი საქართველო-ამერიკის  ორმხრივი ურთიერთობის  მნიშვნელობას ადასტურებს.  და რომ, ეს ვიზიტი არის აშშ-ის ვალდებულების კიდევ ერთი მაგალითი,  გაზარდოს უსაფრთხოება აღმოსავლეთ ევროპასა და შავი ზღვის რეგიონში.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

თიბისი კაპიტალმა უზბეკეთის საინვესტიციო გარემოს შესახებ მაკროეკონომიკური განახლება გამოაქვეყნა

საკულტო მოდელით შთაგონებული: ახალი Cayenne Coupé Electric

Faridaily: რუსეთის ბუნებრივი რესურსების მინისტრის მოადგილე საქართველოს გავლით აშშ-ში გაიქცა

ირაკლი კობახიძემ მამუკა მდინარაძეს, როგორც სახელმწიფო მინისტრს, უფლებამოსილებები და მისი ფარგლები განუსაზღვრა