„დემოკრატიული პროცესების მხარდაჭერის გზით,  საქართველო მღელვარე რეგიონში კვლავ ნათელ წერტილად რჩება“ - ასე გამოეხმაურა ამერიკელი კონგრესმენი სტივ ჩაბოტი ოქტომბრის საპარლამენტო არჩევნებს.

კონგრესმენის განცხადებით,  ამ არჩევნებით, რომელიც როგორც კანდიდატების, ისე ქართველი ხალხის უფლებათა სრული დაცვით ჩატარდა,  საქართველომ კიდევ ერთი უზარმაზარი ნაბიჯი გადადგა დემოკრატიული რეფორმების გზაზე.

„საქართველო ამერიკის შეერთებული შტატების მტკიცე მეგობარი და მოკავშირეა და მე  მხარს ვუჭერ მისი ჩართულობის გაძლიერებას რეგიონული უსაფრთხოების, ეკონომიკური განვითარებისა და კანონის უზენაესობის განმტკიცებისკენ მიმართულ საქმიანობაში. ვულოცავ ქართველ ხალხს და მოუთმენლად ველი საქართველოს ახალ მთავრობასთან თანამშრომლობის დაწყებას“ - ნათქვამია ამერიკელი კონგრესმენის განცხადებაში.

ჩაბოტის განცხადებას საქართველოს საგარეო საქმეთა სამინისტრო ავრცელებს. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რუსეთმა და უკრაინამ მშვიდობიანი მოქალაქეები გაცვალეს

ვენესუელაში მიწისძვრის შედეგად დაღუპულთა რიცხვი 1430-მდე გაიზარდა

ALGORITHM WATCH:შსს-მ სახის ამომცნობი კამერები მოსკოვში დაფუძნებული კომპანიისგან შეისყიდა

პატარიძე ხოშტარიაზე: ექიმის დასკვნის გარეშე ბრიფინგებით საუბარი "აბსურდის თეატრია"