უფლებადამცველი ორგანიზაცია Human Rights Watch-ი თურქეთს პატიმრების წამებაში ადანაშაულებს. 

ორგანიზაციის ანგარიშის თანახმად, 2016 წლის ივლისში სახელმწიფო გადატრიალების მცდელობის შემდეგ, თურქეთში პატიმრების უფლებები მკვეთრად შეზღუდეს.

როგორც ანგარიშშია ნათქვამი, თურქეთის ციხეებში პატიმრების უფლებების დარღვევის 13 შემთხვევა დაფიქსირდა, მათ შორის წამება, სასტიკი მიპყრობა და სექსუალური ძალადობაც.

თურქეთში მოქმედი საგანგებო მდგომარეობის რეჟიმი პოლიციას სასამართლო ორდერის გარეშე მოქალაქის 30 დღით დაპატიმრების უფლებას აძლევს. ამასთან, პირველი 5 დღის განმავლოაბში დაკავებულს შესაძლოა, ადვოკატთან დაკავშირების უფლება არ მისცენ.

"წამების ამკრძალავი კანონების გაქმებით, თურქეთის მთავრობამ ძალოვანებს კარტ-ბლანში მისცა, ახლა მათ შეუძლიათ პატიმრების წამება მაშინ, როდესაც მოუნდებათ", - განაცხადა ევროპასა და ცენტრალურ აზიაში Human Rights Watch-ის განყოფილების დირექტორმა ჰიუ უილიამსონმა.

ანგარიშის ერთ-ერთი ავტორი ენდრიუ გარდნერი ამბობს, რომ მრავალ მსხვერპლს ეშინია იმაზე ღიად საუბრის, რაც მათ ციხეში შეემთხვათ. ამასთან, გარდნერის თქმით, ადვოკატთა უმრავლესობა საპატიმროში ძალადობის მსხვერპლის დაცვაზე უარს აცახდეს.

უფლებადამცველები თურქეთის ხელისუფლებას საგანგებო რეჟიმის გაუქმებისა და ციხეებში პატიმრების წამების შემთხვევების გამოძიებისკენ მოუწოდებს.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

პოლიციამ მკვლელობის მომზადებისა და ე.წ ქურდული სამყაროს წევრობის ბრალდებით 3 პირი დააკავა, ხოლო ე.წ კანონიერ ქურდს ბრალი დაუსწრებლად წარედგინება

თიბისი ბათუმში ბრიტანული დღეების პარტნიორია

თეონა აქუბარდია - გაეროში კობახიძის გამოსვლა აჩვენებს, რომ საგარეო-პოლიტიკურ ენაში ევროინტეგრაცია და ოკუპაციის დასრულების დღის წესრიგი უკანა პლანზე გადადის

სუს-მა ტერორისტულ ორგანიზაცია ისლამურ სახელმწიფოში გაერთიანებისა და ტერორისტულ საქმიანობაში დახმარების ფაქტზე საქართველოს ორი მოქალაქე დააკავა