პირი, რომელიც წვრთნებისა და სამხედრო ცენტრ „კრწანისის“  ტერიტორიაზე შეჭრისას იქნა ლიკვიდირებული, იდენტიფიცირებულია.

ის 1993 წელს დაბადებული გიგა შენგელიაა.  ამ ეტაპზე გამოძიება ადგენს ჰქონდა თუ არა მას რაიმე კავშირი სამხედრო სამსახურთან.

სამხედრო პოლიციის გამოძიების მთავარი სამმართველოს უფროსის ზურაბ კუხიანიძის განცხადებით, ჯერჯერობით არ არის დადგენილი შენგელიას ჰქონდა თუ არა რაიმე კავშირი სამხედრო სამსახურთან.

„იდენტიფიცირებული პიროვნება არის 1993 წელს დაბადებული  გიგა  რომანის ძე შენგელია.  არ შემიძლია ჯერჯერობით თქმა იყო თუ არა სამხედრო სამსახურთან კავშირში.  ახლა დავალებული მაქვს შესაბამისი სამსახურებისთვის დადგენა ვინ არის,  რას წარმოადგენს სად მუშაობდა და ა.შ.“,-განაცხადა კუხიანიძემ „რუსთავი 2“-თან საუბარში.

თავდაცვის სამინისტროს ინფორმაციით, 23 ოქტომბერს, დაახლოებით 03:30 წვრთნებისა და სამხედრო განათლების სარდლობის მხარდამჭერ ცენტრ „კრწანისის“ ტერიტორიაზე უცხო პირების მხრიდან შეჭრის ფაქტი დაფიქსირდა. რამდენიმე უცხო პირი არ დაემორჩილა განწესში მყოფი გუშაგის სიტყვიერ გაფრთხილებას და თავს დაესხა მას, რის შემდეგაც გუშაგმა წესდებით გათვალისწინებული მოქმედებები განახორციელა და ცენტრის ტერიტორიაზე შეჭრის ფაქტი აღკვეთა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა