საქართველოს თავდაცვის მინისტრის პირველმა მოადგილემ ლელა ჩიქოვანმა ნატო-საქართველოს არსებითი პაკეტის სტრატეგიული და ოპერატიული დაგეგმარების პროექტის ექსპერტი, ვიცე-პოლკოვნიკი ვინსენტ ჰანკინე ქაქუცა ჩოლოყაშვილის სახელობის მედლით დააჯილოვა.

თავდაცვის სამინისტროს ინფორმაციით, ლელა ჩიქოვანმა ბელგიელ მრჩეველს საქართველოში წარმატებული მისიისთვის მადლობა გადაუხადა.

უწყების ცნობით, ვიცე-პოლკოვნიკ ვინსენტ ჰანკინეს როტაცია საქართველოში ექვსთვიანი მოღვაწეობის შემდეგ განხორციელდა.

მას ბელგიის შეიარაღებული ძალების წარმომადგენელი, ვიცე-პოლკოვნიკი კლოდ მოერმანი შეცვლის, რომელიც საქართველოში SNGP-ის ფარგლებში ასევე 6 თვის განმავლობაში იმუშავებს.

დაჯილდოების ცერემონია თავდაცვის სამინისტროში გაიმართა.

ღონისძიებას საქართველოს თავდაცვის სამინისტროს საერთაშორისო ურთიერთობათა და ევროატლანტიკური ინტეგრაციის დეპარტამენტის ხელმძღვანელი და ნატო-საქართველოს არსებითი პაკეტის ფარგლებში კონტრიბუტორი ქვეყნების მიერ მოვლენილი სამხედრო მრჩევლები დაესწრნენ.

(NS)

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

რომის პაპი ჟურნალისტებს - მიხარია, რომ აქ ხართ, კარგი გაშუქება ყველგან და ყველასთვის მნიშვნელოვანია

თიბისი კონცეპტის მხარდაჭერით ამირ კაკაბაძის საიუბილეო წიგნი გამოიცა

Transparency International Georgia - მიხეილ სააკაშვილის სახელი შეტანილი იქნება ჩვენი ორგანიზაციის მიერ შედგენილი პოლიტიკური პატიმრების სიაში

რუსეთი სამშენებლო კომპანიების გაკოტრების ტალღამ მოიცვა