2016-10-18 22:28:47, 776 ნახვა
პოლიტიკა
ირაკლი ალასანია გაერთიანების შესახებ, „რესპუბლიკელებთან“ კონსულტაციას უარყოფს
"თავისუფალი დემოკრატების" ლიდერი ირაკლი ალასანია, "რესპუბლიკურ" პარტიასთან წინასაარჩევნოდ გაერთიანებაზე კონსულტაციებს უარყოფს. ამის შესახებ ალასანიამ გადაცემა "არჩევანში" განაცხადა.
მისი განცხადებით, "თავისუფალ დემოკრატებს" სურდათ, საკუთარი ძალები დამოუკიდებლად მოესინჯათ არჩევნებზე.
„თავისუფალი დემოკრატების მიერ კოალიციის დატოვების შემდეგ რესპუბლიკელები რჩებოდნენ ხელისუფლებაში და ვერც იქნებოდა საუბარი რაიმე ტიპის გაერთიანებაზე. არანაირი კონსულტაცია გაერთიანებაზე არ ყოფილა. ჩვენ გვინდოდა, ჩვენი პარტია გამოგვეცადა დამოუკიდებლად,“ - განაცხადა ირაკლი ალასანიამ.
ავტორი: ირაკლი მანაგაძე , ექსპრესნიუსის რეპორტიორი 2009 წლიდან
epn.ge (@expressnews.ge)
