„ექსპერტების ნაწილი თვლიდა, რომ ლარის ინტერვენცია იყო გამოწვეული წინასაარჩევნო პერიოდით, მაგრამ რეალურად შეიძლება ითქვას, რომ ეროვნულმა ბანკმა არჩევნების შემდეგ სავალუტო ინტერვენციები მაინც გააგრძელა“, - ამის შესახებ "ექსპრესნიუსს" არასამთავრობო ორგანიზაცია "საზოგადოება და ბანკების" თავმჯდომარემ გიორგი კეპულაძემ განუცხადა.

ექსპერტის თქმით, როგორც წესი ეროვნული ბანკი სავალუტო ინტერვენციას მაშინ არ ახორციელებს, როდესაც ლარის გაუფასურება ფუნდამენტური ფაქტორების გაუარესებითაა გამოწვეული.

"ჩემი აზრით, სახეზე არის მოკლევადიანი ფაქტორი, რაც შეიძლება იყოს რამდენიმე მსხვილი ტრანზაქციით გამოწვეული. ამასთანავე, იყოს გამოწვეული მოკლევადიანი აჟიოტაჟით და მოლოდინით, რაც უკავშირდება პოსტ საარჩევნო პერიოდს, თუმცა მე არ ველოდები დამატებით პოლიტიკურ ზეწოლას ლარის კურსზე. რაც მთავარია მოქმედ და ასევე შემდეგ პარლამენტს მოუწევს აქტიურად მუშაობა იმისთვის, რომ ლარის კურსის ვარდნა არ გაგრძელდეს და ეროვნულ ბანკს არ მოუწიოს მთელი რეზერვების დახარჯვა, რადგან ლარის კურსი ქვეყნის ეკონომიკური მდგომარეობის თერმომეტრია. როდესაც მაღალი ეკონომიკური ზრდაა და როდესაც ქვეყნის ეკონომიკა ვითარდება, ლარის კურსი მაშინ არის უკეთესი ვიდრე გვაქვს დღეს. შესაბამისად მე ვისურვებდი, რომ აქტიურად იმუშაოს როგორც მოქმედმა ასევე შემდეგმა მთავრობამ, რადგან ლარის კურსი და ზოგადად ეკონომიკური მდგომარეობა მათი მთავარი გამოწვევა იქნება", - განაცხადა კეპულაძემ

ეროვნული ბანკის მიერ დადგენილი ლარის ახალი ოფიციალური გაცლითი კურსის თანახმად, 1 დოლარი ხვალ, 2.3527 ლარი ეღირება, დღეს კი, მისი ღირებულება 2.3365 ლარს შეადგენს. კურსის ცვლილებამ დოლართან მიმართებაში 0.0162 ლარი შეადგინა.

რაც შეეხება ევროს, 1 ევრო ხვალ, 2.5920 ლარი ეღირება, დღეს კი, მისი შეძენა 2.5900 ლარად არის შესაძლებელი. კურსის ცვლილებამ ევროსთან მიმართებაში 0.0020 ლარი შეადგინა.

შეგახსენებთ, 25 აგვისტოდან დღემდე, სებ-მა სავალუტო აუქციონზე 180 მილიონი დოლარი გაყიდა. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა