საქართველოს სახალხო დამცველის უჩა ნანუაშვილის შეფასებით, კენჭისყრის პროცესმა დიდწილად მშვიდ ვითარებაში ჩაიარა. 

ნანუაშვილი არჩევნების პროცესში ჩართულ ყველა მხარეს მოუწოდებს,  გააცნობიერონ ამ პროცესის მშვიდ გარემოში ჩატარების მნიშვნელობა და სტაბილური გარემოს შენარჩუნებას ხელი შეუწყონ:

„კანონდმებლობით  მინიჭებული მანდატის ფარგლებში, საქართველოს სახალხო დამცველი ზედამხედველობას უწევს მოქალაქეთა საარჩევნო უფლების დაცვას. კენჭისყრის პროცესმა დიდწილად მშვიდ ვითარებაში ჩაიარა. არჩევნების პროცესში ჩართულ ყველა მხარეს მოვუწოდებ, გააცნობიერონ ამ პროცესის მშვიდ გარემოში ჩატარების მნიშვნელობა და ხელი შეუწყონ სტაბილური გარემოს შენარჩუნებას“,-განაცხადა უჩა ნანუაშვილმა და დასძინა, რომ სახალხო დამცველის მონიტორებმა ძალადობის ცალკეული ფაქტები დააფიქსირეს.

„განსაკუთრებით მწვავე იყო მარნეულში 48- ე უბანზე შექმნილი ვითარება. ასევე, ჩვენი ინიციატივით დაიწყო თბილისში „ნაციონალური მოძრაობის“ ორი წარმომადგენლის ცემის ფაქტის შესწავლა“,-აღნიშნა უჩა ნანუაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

საქართველოს ბანკმა საერთაშორისო საბანკო ურთიერთობები Standard Chartered Bank-თან გააფართოვა

26 სექტემბრის ღამიდან 80 000-მდე აბონენტს წყალი 36 საათით შეუწყდება

თავდაცვის სამინისტროს კუთვნილი თანხის გაფლანგვისთვის მსჯავრდებულებმა ვასილ მხეიძემ და გიორგი ხაინდრავამ პენიტენციური დაწესებულება დატოვეს

თიბისი კაპიტალის მხარდაჭერით, რიკო ექსპრესმა $10 მილიონის ობლიგაციები გამოუშვა