„ამ არჩევნებს კიდევ ერთი მნიშვნელოვანი თავისებურება აქვს, ჩვენი საარჩევნო სისტემიდან და პოლიტიკური ბალანსიდან გამომდინარე პოლიტიკურ ძალებს შორის“,-ამის შესახებ პარლამენტის თავმჯდომარემ დავით უსუფაშვილმა დღევანდელ ბრიფინგზე განაცხადა.

უსუფაშვილის თქმით, ხვალ საარჩევნო პროცესი არ მთავრდება  და ბევრ მაჟორიტარულ ოლქში მეორე ტური ჩატარდება.

„ჩვენ ხვალ ვიწყებთ არჩევნებს და როგორც ჩანს,  არჩევნები ბევრ მაჟორიტარულ ოლქში მეორე ტურით დამთავრდება. ეს ნიშნავს იმას, რომ შესაძლოა, ხვალ,  საღამოს მდგომარეობით ყველაფერი ბოლომდე ცხადი არ იქნეს მომვალი პარლამენტის პოლიტიკური კომპოზიცია. აქედან გამომდინარე,  ჩვენ ყველას გარკვეული გამოცდა გვაქვს ჩასაბარებელი იმისთვის, რომ 8 ოქტომბრიდან მეორე ტურის გამართვამდე ღირსეულად გავიაროთ ეს დისტანცია. არ დავუშვათ არანაირი სპეკულაცია, არანაირი მცდელობა იმისა, რომ გარკვეული სახელისუფლებო ვაკუუმის  წარმოჩენას შეეცადოს ვინმე. ეს ძალიან მნიშვნელოვანია, მათ შორის პარლამენტი აგრძელებს თავის უფლებამოსილებას იმ დღემდე, სანამ შეიკრიბება საქართველოს ახლადარჩეული პარლამენტი. მთავრობა, სახელმწიფო დაწესებულებები ყველა არის სრულფასოვანი  იმისთვის, რომ გააგრძელოს ქვეყნის მმართვა. ამიტომ 8 ოქტომბრიდან შემდგომი პერიოდის გავლა ეს იქნება თითოეული ჩვენგანის ღირსების საქმე, იმისთვის, რომ არჩევნების სამართლიანად, მშვიდობიანად და ქვეყნის საკეთილდღეოდ დავასრულოთ“,-განაცხადა უსუფაშვილმა.

ამასთან,უსუფაშვილის განცხადებით, 26 წლის განმავლობაში მოქალაქეები პირველად მიდიან საპარალამენტო არჩევნებზე, რომლის დროსაც წყდება არამხოლოდ ის საკითხი თუ ვინ იქნება პარლამენტში, არამედ ეს იქნება გადამწყვეტი აღმასრულებლი ხელისუფლების ფორმირებისთვისაც.

„ჩვენ მანამდე ვცხოვრობდით საპრეზიდენტო მმართველობის პირობებში და შესაბამისად, აღმასრულებელი ხელისუფლების ბედი წყდებოდა  საპრეზიდენტო არჩევნების დროს, ხოლო პრეზიდენტი არ იყო ანგარიშვალდებული პარლამენტის წინაშე. ჩვენ პირველად მივდივართ იმ საპარლამენტო არჩევნებზე, რომლის შედეგები უშუალოდ და პირდაპირ განსაზღვრავს იმას თუ როგორი  მთავრობა გვეყოლება. ამიტომ ხვალინდელ არჩევნებს დამატებითი დატვირთვა აქვს. ორმაგი პასუხისმგებლობა გვეკისრება იმისთვის, რომ გავაკეთოთ არჩევანი აღმშენებლობის მიმართულებით. ავირჩიოთ ხალხი, ვინც ქვეყანას გააძლიერებს და შეძლებს ქვეყნის გაძღოლას. თავისუფალ არჩევანს  გისურვებთ, რომლითაც თქვენ  ზეგ იამაყებთ.  დღეს სიტყვა თქვენზეა“,-დასძინა დავით უსუფაშვილმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

კობახიძე: როდესაც რჩება დისბალანსი ეკონომიკებს შორის, მოქალაქეები მიდიან, ამას უწყობს ხელს ვიზალიბერალიზაცია

თბილისში 500 Global in Eurasia-ს მეათე ნაკადის დასკვნითი ღონისძიება, დემო დღე გაიმართა

PASHA Bank-ის IPO აზერბაიჯანში - თიბისი კაპიტალი ტრანზაქციის ექსკლუზიური ფინანსური მრჩეველი იყო

სტრასბურგის სასამართლომ ე.წ. FARA-ს და გრანტების კანონზე კომუნიკაციის ეტაპი დაიწყო