მინდა ვუთხრა დღევანდელ მთავრობას და ხვალინდელ პოლიტიკურ ოპოზიციას, ნურაფრის ნუ შეგეშინდებათ, - ამის შესახებ საქართველოს ყოფილმა პრეზიდენტმა მიხეილ სააკასვილმა განაცხადა.

ექსპრეზიდენტმა საზოგადოებას მიმართა და აღნიშნა, რომ ხვალინდელი საპარლამენტო არჩევნები საქართველოს ისტორიაში ერთ-ერთი ყველაზე მნიშვნელოვანი მოვლენაა.

"ხვალ საქართველოს ისტორია მოუხმობს, თითოეულ ქართველს საარჩევნო ყუთებთან. ხვალ ჩვენ ვაკეთებთ არჩევანს სიბნელესა და სინათლეს შორის. ამიტომ, მაქვს თქვენი იმედი. ხვალ საქართველო იტყვის, რომ აქვს უფლება იყოს სახელმწიფო და არა ერთი ახირებული რუსი ოლიგარქის სათამაშო. ხვალ იმარჯვებს სიმართლე, ვინდაიდან ტყუილმა გაიმარჯვა მხოლოდ ერთხელ. ჩვენ შევცვლით საქართველოს მომავალს, როგორც განათლებით ასე ღირსეული სამუშაო ადგილებით; ვის შეუძლია ეს თუ არა გუნდს, რომელმაც მიიღო დიდი გამოცდილება როგორც მიღწევების ასე შეცდომების კუთხით", - განაცხადა სააკაშვილმა მიმართვაში.

მისივე თქმით, საპარლამენტო არჩევნებს ბევრი უცხოელი და ადგილობრივი დამკვირვებელი დაესწრება და არჩევნების გაყალბების შანსი არ იქნება.

”ჩვენ უნდა გვესმოდეს, რომ ივანიშვილის დარჩენის პირობებში ქართული სახელმწიფოს არსებობაც კი დადგება ეჭვქვეშ და საქართველოს დაემუქრება გაქრობა მსოფლიო რუკიდან. ივანიშვილმა საქართველო გამოაცხადა პატარა სოფლად და როგორც კოფერფილდმა გააქრო ის საერთაშორისო ჩვენი ამოცანა არ არის წარსულში გახედვა, ჩვენი ამოცანა არ არის ვიღაცის დევნა. ჩვენი პასუხი იქნება სწრაფი განვითარება და სწრაფი აღმშენებლობა. გვაქვს დიდი გეგმები და მთელ ძალას მოვახმართ, ამ გეგმების განხორციელებას", - აღნიშნა ყოფილმა პრეზიდენტმა.

ცნობისთვის, ხვალ, 8 ოქტომბერს საქართველოს საპარლამენტო არჩევნები ჩატარდება. 

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

უკრაინის შეიარაღებულმა ძალებმა ვორონეჟში რაკეტსაწინააღმდეგო ნახევარგამტარების ქარხანაზე იერიში მიიტანეს

23-25 ივნისს საქართველოში მოსალოდნელია დროგამოშვებით ნალექიანი ამინდი

Nestle-მ ბრიტანეთის მიერ სანქცირებულ ტელეკომპანია „იმედში“ რეკლამის განთავსების გამო შიდა გამოძიება დაიწყო

ხალხის ფულით ივანიშვილის რეჟიმი 2026 წელს გამოშვებულ 592 ახალ ავტომობილს ₾47 მილიონად ყიდულობს